TikTok-ը հերքել է Իլոն Մասկին ակտիվներ վաճառելու մասին տեղեկությունը

TikTok-ը հերքել է լուրերն այն մասին, որ Չինաստանը դիտարկում է սոցիալական ցանցի ամերիկյան ստորաբաժանումը Իլոն Մասկին վաճառելու հնարավորությունը։

«Դուք չպետք է ակնկալեք, որ մենք մեկնաբանենք դատարկ շահարկումները», - Variety- ներկայացրել է TikTok-ի ներկայացուցիչներից մեկի խոսքը՝ այդպիսով հերքելով Bloomberg-ի տեղեկությունը Մասկի կողմից սոցցանցի ամերիկյան ստորաբաժանման նկատմամբ վերահսկողությունը փոխանցելու մասին:

Ավելի վաղ Bloomberg-ը, հղում անելով անանուն աղբյուրներին, հայտնել էր, որ քանի որ մոտենում է սոցիալական հարթակի վաճառքի վերջնաժամկետը, չինացի պաշտոնյաները սկսել են քննարկել գործողությունների ծրագրերը, որոնցից մեկը ներառում է ընկերության ամերիկյան գործառնությունները Մասկին վաճառելը։

Չինական ByteDance ընկերությունը կամ պետք է վաճառի սոցիալական ցանցը, կամ դադարեցնի իր գործունեությունը ԱՄՆ-ում մինչև հունվարի 19-ը։ Պետության ներկայիս ղեկավար Ջո Բայդենը ստորագրել է Կոնգրեսի կողմից անցած տարի ընդունված օրենքը՝ համապատասխան դրույթներով։

Դեկտեմբերի վերջին ԱՄՆ նորընտիր նախագահ Դոնալդ Թրամփը դատավորներին խնդրել էր կասեցնել օրենքի դրույթները։ Ավելի վաղ TikTok-ի ղեկավարությունը դիմել էր նաև Գերագույն դատարանին՝ կասեցնել օրենքը, ըստ որի՝ սոցիալական ցանցը կարող է արգելվել ԱՄՆ-ում։ Թրամփը նախկինում ասել էր, որ «ջերմ զգացմունքներ» ունի հարթակի նկատմամբ, քանի որ դրա երիտասարդ ամերիկացի օգտատերերի ձայներն օգնեցին իրեն հաղթել 2024 թվականի նոյեմբերին կայանալիք նախագահական ընտրություններում։