Մեր զինվորների ցավը տանեմ, լռեցրել են սրիկաներին. ազատամարտիկ

«Աստված տա հարձակվելու հրաման տրվի, մեր կիսատ թողած գործը ավարտենք»,- newspress.am-ի հետ զրույցում ասաց «Տիգրան Մեծ» ջոկատի հիմնադիր հրամանատար, գնդապետ Կորյուն Ղումաշյանը` հավելելով, որ անհարժեշտության դեպքում այսօր պատրաստ են սահման գնալ, կանգնել մեր զինվորների կողքին: Նա միևնույն ժամանակ վստահեցրեց, որ մեր բանակը արաժանի հակահարված է տալիս, ետ շպրտում հակառակորդին:

«Ես մեր զինվորների ցավը տանեմ, լռեցրել են սրիկաներին ու կորուստներ պատճառել»,- մանրամասնեց գնդապետը:

Հատկանշական է մանավանդ այն հանգամանքը, որ հակառակորդը հրանոթներից անցած գիշեր արդեն հրետակոծության է ենթարկել ոչ միայն Ակնայի (Աղդամի) ուղղությամբ տեղակայված հայկական ստորաբաժանումների դիրքերը, այլև առաջնային գծից բավականին մեծ խորությամբ գտնվող որոշ տարածքներ, ինչը թերևս, աննախադեպ է 1994թ. մայիսից հաստատված հրադադարի ողջ ընթացքում: Կորյուն Ղումաշյանը ասաց, որ այդ քայլերից հետո պետք է Ադրբեջանին հին օրերը հիշեցնել, երբ ջլատված ընկած էր դես ու դեն: Գնդապետի դիտարկմամբ Ադրբեջանը ուղղակի «դուխ» չունի լայնածավալ գործողություններ անելու համար, ռմաբակոծում է, հետո` փախչում, զորքի առջախաղացման մասին խոսք անգամ չի կարող գնալ:

Նրա դիտարկմամբ` Ադրբեջանը ցայտնոտի մեջ է, ուստի շարունակում է ապատեղեկատվություն տարածել: