Պուտինի նախկին գանձապետը ինքնասպանություն է գործել

ՌԴ պետական գանձարանի նախկին ղեկավար Վլադիմիր Ռիբկինը կյանքին վերջ է տվել` դուրս նետվելով պատուհանից: Այս մասին հաղորդում են ռուսական ԶԼՄ-ները:

Վ. Ռիբկինի մարմինը գտել են մարտի 4-ին, սակայն տեղեկությունները միայն հիմա են ստացվել, այն էլ միայն լրագրողների համառ ջանքերի շնորհիվ: Հայտնի է դարձել, որ նրա մարմինը գտել են անցորդները: Մարմնի զննման ժամանակ ի հայտ են եկել տրավմաներ, որոնք ի հայտ են գալիս բարձրությունից ընկնելու դեպքում:

Ռուսաստանի պետական գանձարանում հաստատել են նախկին ղեկավարի մահը:

Իրավապահ մարմինները դեռևս պաշտոնապես չեն մեկնաբանել տեղի ունեցածը, սակայն գործը քննվում է որպես ինքնասպանություն:

ՌԴ պետական գանձարանը իրենից ներկայացնում է Ֆինանսների նախարարությանը կից դաշնային գանձարան, որը զբաղվում է թանկարժեք մետաղների, թանկարժեք քարերի և Ռուսաստանի Պետական ֆոնդի այլ թանկարժեք իրերի պահպանությամբ: Վ. Ռիբկինը ղեկավարել է պետական գանձարանը 2002թ-ից մինչև 2013թ-ը: 2011թ-ին Ռիբկինին դատարանը տուգանել էր 20 հազար ռուբլով` բյուջետային օրենսդրութայն խախտման համար: