Կրթության նախարարը` բուհերի ապաքաղաքականացման մասին

«Եթե ուսանողները թույլ են տալիս, որ ստեղծվի մի խորհուրդ, որը իրենց կրթական առօրյայի հետ կապ չունի, ուրեմն իրենք չեն պատկերացնում՝ որտեղ են և ինչի համար: Համալսարանը ինքը պետք է ասի՝ ինչպես ձևավորել ուսխորհուրդ, որը բացառապես կհետաքրքրվի համալսարանի խնդիրներով և, իհարկե, ազգի հիմնախնդիրներով»,- լրագրողների հետ հանդիպաման ժամանակ նշեց ՀՀ կրթության և գիտության նորանշանակ նախարար Լևոն Մկրտչյանը` անդրադառանալով հարցին թե բուհերի ուսխորհրուրդների ներկայացուցիչները ՀՀԿ երիտթևի ներկայացուցիչներ են, արդյո՞ք հնարավոր է նրանք առաջիկայում փոխարինվեն երիտդաշնակցականներով: Ըստ նրա` հարցը կապված է համալսարանական ինքնավարության հետ: Նա նաև շեշտեց, որ բուհերի ապաքաղաքականացման հարցը կարելի է լուծել միայն բարձրագույն կրթության օրենքի միջոցով:

Պատասխանելով հարցին, թե ինչպես է լուծելու խնդիրը, երբ բուհերի ուսխորհրդի նախագահներն այնպիսի բարձրաստիճան պաշտոնյաներ են, ինչպիսիք ՀՀ Նախագահը, վարչապետը և այլոք: Նախարարը ասաց, որ եթե երկրում գոյություն ունի ազգային համալսարան, խորհրդի նախագահներ են լինում երկրի առաջին դեմքերը, որպեսզի շեշտվի տվյալ հաստատության համապետական նշանակությունը:

«Մեն ունենք Երևանի պետական համալսարան, որը մեր ազգային արժեքն է և հենց այդ պատճառով է, որ խորհրդի նախագահը Սերժ Սարգսյանն է»,-ընդծեց նա: