Հեղինակությունները կռեյտինգավորվեն և կհամադրվեն ԸՕ-ին

«Մեծամասնական ընտրակարգի հիմնական թերություններից մեկը անձի գործոնի կարևորությունն էր, կոնկրետ տարածքում կարևրովում էր անձը »,- ԸՕ հանրային լսումների ժամանակ լրագրողների հետ զրույցում ասել է արդարադատության նախարար Արփինե Հովհաննիսյանը:

Նա մանրամասնեց, որ տվյալ անձը ունենալով հեղինակություն իր տարածքում, հավաքում էր որոշակի ձայներ, իսկ համամասնականի դեպքում էլ կուսակցություններն էին որոշում խորհրդարան մտնող անձանց և ընտրողի և պատգամավորի միջև կապ չկար: Նախարարի դիտարկմամբ` նոր Ընտրական օրենսգրքով առաջարկվում է մի մոդել, որը համամասնականի լավագույն տարբերակններից մեկն է: Խոսքը վերաբերում է համամասնականի նաև ռեյտինագային տարբերակին:

«Փորձ է արվում այնպես անել, որ անձի և կուսակցության դերը համադրվեն, այսինքն` յուրաքանչյուր ընտրող պետք է իմանա, որ տարածքում ում է ընտրում, բայց միևնույն ժամանակ ընդգծվի կուսակցության դերը»,- մանրամասնեց նա:

Ըստ նախարարի` այնպես չէ, որ եթե տվյալ տարածքում որևէ կուսակցության անդամ տվյալ տարածքում հեղինակություն ունի, ապա կարող է օգտագործել իր հեղինակությունը և անձնական շահերի համար խորհրդարանում հայտնվել:

Անդրադառնալով լրագրողների վերաբերյալ սահմանփակումներին Արփինե Հովհաննիսյանն ասաց, որ նոր մոդել է առաջրկվում, ըստ որի ընտրատեղամասերում լինելու իրավունք կունենան այն լրատվամիջոցների ներկայացուցիչները, որոնք առնվազն մեկ տարվա գործունեություն են տարածել. « Մեր նպատակն է, որ տեղամասում ներկա լինեն միայն նրանք, ովքեր եկել են իրնց ֆունկցիան իրականացնելու»,- մանրամասնեց նախարարը, սակայն չկարողացավ ասել, թե ինչպես են հասկանլու, թե որ լրագրողն է եկել իր ֆունկցիան կատարելու, որը` ոչ: Արփինե Հովհաննիսյանը եզրափկեց, որ այս փոփոխությունները դեռ քննարկման փուլում են, դոգմատիկ մոդել չէ: