Դավիթ Հարությունյանի պնդումները համոզիչ չեն

ՀՀ Արդարադատության նախարարությունը կազմակերպել է հանրային քննարկում նոր ընտրական օրենսգքի նախագծի շուրջ: Քննարկմանը մասնակցում են կառավարության աշխատակազմի ղեկավար-նախարար Դավիթ Հարությունյանը, արդարադատության նախարար Արփինե Հովհաննիսյանը, ՀԿ-ների ներկայացուցիչներ, ԱԺ պատգամավորներ ինչպես նաև ԵԱՀԿ երևանյան գրասենյակի գործող ղեկավար Բարբարա Դևիսը: Հարցերի շրջանակը տարբեր է` նախ թե ինչու ժամանակին ԸՕ-ի հանրային քննարկում չապահովեցին, և փաստաթուղթը ընթացակարգային խախտումով անցավ, ինչի համար է դիտորդական ՀԿ-ների և լրագրողների 8 թվային սահմանափակումը և ի վերջո ընտրական գործընթացում ամենակարևոր կետը` ստորագրած ցուցակների հրապարակման արգելքը:

Դավիթ Հարությունյանի մեկնաբանմամբ` իրենք առաջնորդվում են ՍԴ որոշմամբ և ցուցակներին կարող են ծանոթանալ նրանք, ովքեր դիմում կներկայացնեն բայց միայն կարող են ստանալ ցուցակի քաղվածքը, լուսանկարելը կատեգորիկ բացառվում է, քանի որ լուսանկարման դեպքում ցուցակը պաշտոնական տեսք կունենա: Իսկ ինչ տեղի կունենա, եթե ցուցակները հրապարակվեն. որոշակի դեպքում քվեարկության չմասնակցելը խոսում է մարդու քաղաքական մասնակցության մասին և դա հրապարակել` նշանակում է բարձրաձայնել տվյալ անձի քաղաքական դիրքորոշման մասին:

Դավիթ Հարությունյանը անարդյունավետ է համարում նաև ցուցակների մաքրման գործընթացը: Ըստ նրա, դա ոչինչ չի տա եթե կրկնակի քվեարկության մեխանիզմ չկիրառվի: Իսկ ինչու միաժամանակ երկուսն էլ չկիրառել, այն դեպքում, երբ այս գործընթացի համար բավականին գումար է հատկացվում ընտրակեղծիքները նվազագույնի հասցնելու համար:

Նախնական տպավորությամբ` 2017 թվ-ի ընտրությունները որևէ կերպ չեն տարբերվելու մինչ այժմ անցկացրած ընտրություններից և Դավիթ Հարությունյանի պնդումները համոզիչ չեն, թե իշխանությունը ցանկություն ունի գնալ հրապարակային ընտրության