Լիլիթ Մակունցը Սամանթա Փաուերի հետ հանդիպմանը վերահաստատել է Հայաստանի հանձնառությունն ԱՄՆ-ի հետ գործընկերությունն ամրապնդելու հարցում
Միացյալ Նահանգներում Հայաստանի Հանրապետության դեսպանությունում տեղի է ունեցել հատուկ քննարկում՝ նվիրված ԱՄՆ Միջազգային զարգացման գործակալության ազդեցությանը ՀՀ-ի տնտեսական զարգացման և ժողովրդավարական կառավարման ամրապնդման վրա:
Այս մասին հայտնում են ԱՄՆ-ում ՀՀ դեսպանությունից՝ մանրամասնելով, որ միջոցառման պատվավոր հյուրն է եղել ԱՄՆ ՄԶԳ կառավարիչ Սամանթա Փաուերը, որը դեսպան Լիլիթ Մակունցի հետ մասնակցել է քննարկմանը:
Դեսպան Մակունցն իր բացման խոսքում բարձր է գնահատել ԱՄՆ ՄԶԳ-ի կարևորությունը Հայաստանի կայուն զարգացման գործում:
Դեսպանը նաև երախտագիտություն է հայտնել Սամանթա Փաուերին ժողովրդավարական արժեքները, մարդու իրավունքները և միջազգային զարգացումն առաջ մղելու առաջնորդության համար։
«Կառավարիչ Փաուերն իր ելույթում վերահաստատեց Միացյալ Նահանգների և Հայաստանի Հանրապետության միջև ամուր գործընկերությունը՝ ընդգծելով շարունակական համագործակցության կարևորությունն այնպիսի հարցերի շուրջ, ինչպիսիք են էներգետիկ անվտանգությունը, կլիմայի փոփոխությունը և պարենային անվտանգությունը»,-նշվում է դեսպանատան հաղորդագրության մեջ:
Քննարկումը համակարգել է դեսպան Մարի Յովանովիչը՝ հեղինակավոր դիվանագետ, որը 2008-2011 թվականներին եղել է Հայաստանում ԱՄՆ դեսպանը:
Քննարկմանը հաջորդել է հարցուպատասխանի հատվածը, որի ընթացքում դեսպան Մակունցը նշել է, որ Հայաստանի և ԱՄՆ-ի երկկողմ հարաբերությունները խարսխվում են նախևառաջ երկու պետությունների ընդհանուր արժեքների վրա։ Դեսպանը նաև համոզմունք է հայտնել, որ մի շարք հարցերում ՀՀ-ն և ԱՄՆ-ն ունեն համընկնող ռազմավարական շահեր, որոնցից է խաղաղությունը Հարավային Կովկասում։ Դեսպանն անդրադարձել է նաև Սփյուռքի դերակատարմանը՝ ՀՀ-ԱՄՆ հարաբերությունների ամրապնդման հարցում։
Դեսպան Լիլիթ Մակունցը եզրափակել է միջոցառումը՝ վերահաստատելով Հայաստանի հանձնառությունը Միացյալ Նահանգների հետ իր գործընկերությունն ամրապնդելու հարցում։
«Նա լավատեսություն հայտնեց փոխադարձ հետաքրքրություն ներկայացնող ոլորտներում շարունակական համագործակցության և այդ հարաբերությունները ԱՄՆ ձևավորվող նոր վարչակազմի հետ էլ ավելի ամրապնդելու վերաբերյալ»,-հայտնել է դեսպանությունը՝ հավելելով, որ միջոցառումը, որին մասնակցել են ԱՄՆ կառավարության, Կոնգրեսի, վերլուծական կենտրոնների, հայ համայնքի ներկայացուցիչները, ավարտվել է ընդունելությամբ։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
