Ավագանու անդամ Վահան Ավագյանը քաղաքացու հետ շփվել է փողոցային հայհոյախառն բառամթերքով (լուսանկարներ)
Երևանի քաղաքապետարանի «Հանրային ձայն» խմբակցության ղեկավար Վահան Ավագյանը, ով դուրս է եկել համանուն կուսակցությունից, բայց հանուն շահի մնացել է խմբակցության կազմում, հերթական անգամ իրեն դրսևորել է վերջին փողոցայինի նման։
Սևակ Մարտիրոսյանի գրառումներից մեկի ներքո նա, բառիս ամենաուղիղ իմաստով, շաղ է տվել իր հայհոյախառն բառապաշարը։
Այսպես, Սևակ Մարտիրոսյանը գրառում էր արել, որտեղ կարծիք էր հայտնել, որ Վարդան Ղուկասյանը (Դոգը) և «Մայր Հայաստան»-ը` Անդրանիկ Թևանյանի գլխավորությամբ, լավ դաշինք կկազմեն։
Այս գրառման ներքո տեղ գտած մեկնաբանություններում օգտատերերից մեկը Վարդան Ղուկասյանի հասցեին տհաճ որակումներ է հնչեցրել, ինչն արժանացել է Վարդան Ղուկասյանի շնորհիվ Երևանի ավագանիում հայտնված Վահան Ավագյանի հավանությանը։ Վերջինս դրել է «լայքը» և հայտնվել գրառման հեղինակի թիրախում։
Ու փոխանակ սոցիալական հարթակում այս տհաճ խոսակցությունը փակելու և շարունակություն չտալու, Վահան Ավագյանը` «թևերը կշտած» ու «դանակը սրած», նետվել է մարտի։
Իհարկե, գուցե ուշադրության չարժանացնեինք քաղաքացուն ուղղված նրա արձագանքը, եթե դա լիներ պարզապես առողջ ու կիրթ բանավեճ։ Բայց ո՛չ, մինչև ամենավերջին հայհոյական ու քաղաքական գործչին անվայել բառամթերքով, նա ոչ միայն վիրավորել է տվյալ քաղաքացուն, այլև դեռահասին հատուկ, ինչպես ասում են, «լակոտական» պահվածքով՝ կանչել նրան «ռազբորկայի»։
Ներկայացնում ենք փոխադարձ «ռմբակոծությունը»։
Այլ կերպ ասած, Ավագյան Վահան ազգանուն-անունով փողոցային ոմն մեկը, ընդդիմություն խաղալով, իր ճակատագրից ու բախտից անկախ, հայտնվել է Երևանի քաղաքապետարանում, տաքուկ տեղավորվել քաղաքապետի գրպանում՝ չդադարելով մնալ նույն փողոցային խուժանը։
Համենայդեպս, այն բառամթերքը, որով նա շփվել է իր պոտենցյալ ընտրողի հետ, ցույց է տալիս, որ, ներեցեք արտահայտությանս, այս մարդու էությունն ու գրաված դիրքը միմյանց հետ ոչ մի աղերս չունեն։
Այնպես որ, ճիշտ կլիներ և ընդունելի, եթե վերանայվեր ավագանու անդամների ցուցակը, որպեսզի ամեն մի խուժան հնարավորություն չունենար պաշտոն զբաղեցնել ու անվայելուչ արտահայտություններով վիրավորել քաղաքացիներին։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
