Վերջին ժամանակներում լսում ենք բարձր, բայց ոչ հաճելի հռետորաբանություն՝ Հայաստանի ու Ռուսաստանի հարաբերությունների հետ կապված․ Արա Այվազյան

Հայաստանը տխուր փորձ ունի, որը ոչ միայն ազդանշան տվեց արտաքին խաղաղացողներին ՀԱՊԿ-ի հնարավորությունների մասին, այլ նաև կազմակերպությունում  ներքին վստահությունը չամրապնդեց։  Այս մասին ասաց   ՀՀ նախկին ԱԳ նախարար Արա Այվազյանը՝ դիվանագետների խորհրդի և ՄԳԻՄՕ-Ի հերթական « ՀՀ-ն և ՌԴ-ն՝ ռեգիոնալ վերաձևավորման շրջանում» թեմայով հրավիրված համաժողովին։

Նրա գնահատմամբ, վիճակը տխուր է նաև հայ-ռուսական հարաբերությունների մասով։

«Վերջին ժամանակներում լսում ենք բարձր, բայց ոչ հաճելի հռետորաբանություն, որն ամենևին չի օգնում Հայաստանի ու Ռուսաստանի միջև հարաբերություններին»,-ասաց նա։

Արա Այվազյանը հույս հայտնեց, որ համաժողովի մասնակից փորձագետները կունենան արդյունավետ քննարկում, կարծիքների փոխանակում։

Այվազյանը վերլուծել է աշխարհաքաղաքական ու տարածաշրջանային առկա իրավիճակը, ընդգծել, որ այսօրվա անցանկալի իրադարձությունները կարող են ունենալ ծանրագույն հետևանքներ ՀՀ-ի և ՌԴ-ի համար:

«Սա վտանգավոր միտում է թե Հայաստանի, թե Ռուսաստանի համար։ Այս համաժողովի նպատակներից մեկն էլ առանց ավելորդ էմոցիաների մեր գիտակցված ու չգիտակցված սխալներից դասերն քաղելն է»,-նշեց նա՝ ընդգծելով երկու երկրների համագործակցությունը նախ և առաջ անվտանգության ոլորտում։