Բոլորը վերջապես համոզվեցին, որ վրացական պետությունն ուժեղ է. Կոբախիձե
Պետությունը համաչափ և պատշաճ կերպով արձագանքեց Վրաստանում մայդան կազմակերպելու արմատական ընդդիմության ևս մեկ փորձին՝ Թբիլիսիի փողոցներում պատերազմի իմիտացիան անհաջող ավարտվեց:
Այս մասին հայտարարել է Վրաստանի վարչապետ Իրակլի Կոբախիձեն։
Վրաստանում նոյեմբերի 28-ից ի պատասխան իշխանությունների որոշման՝ օրակարգից հանել ԵՄ-ին երկրի անդամակցության շուրջ բանակցությունների բացումը մինչև 2028 թվականը, բողոքի ցույցեր են տեղի ունենում։ Դեկտեմբերի 4-ից այն բանից հետո, երբ ոստիկանությունը խուզարկություններ կատարեց ընդդիմադիր կուսակցությունների գրասենյակներում, ցուցարարներն այլևս չեն «կրակում» ոստիկանների ուղղությամբ պիրոտեխնիկայով և մոլոտովի կոկտեյլներ նետում, իսկ անվտանգության ուժերն այլևս չեն օգտագործում ջրցան մեքենաներ և արցունքաբեր գազ։
«Գիտեք, որ արմատական ընդդիմությունը Մայդան, «Ազգային մայդան» կազմակերպելու փորձ ուներ, ավելին, մեր մայրաքաղաքի փողոցներում պատերազմի իմիտացիա արեցին, բայց տեսաք, որ պատերազմի այս իմիտացիան անհաջող ավարտվեց և հերթական փորձն արվեց։ «Ազգային մայդան» կազմակերպելը մեր երկրում ձախողվեց»,- ասել է Կոբախիձեն։
Վրաստանի կառավարության ղեկավարի խոսքով՝ վերջին չորս տարիների ընթացքում Վրաստանում Մայդան կազմակերպելու չորս փորձ է եղել, սակայն, ինչպես նշել է Կոբախիձեն, պետությունը հաջողությամբ պատասխանել է բոլոր չորս փորձերին։
«Բոլորը վերջապես համոզվեցին, որ Վրացական պետությունն ուժեղ է, և ոչ ոք չի կարող որևէ շանտաժով խաթարել մեր պետության հզորությունը», - ասել է Կոբախիձեն։
Վարչապետը շնորհակալություն է հայտնել Ներքին գործերի նախարարությանը և անձամբ նախարար Վախթանգ Գոմելաուրիին, Հատուկ հանձնարարությունների վարչությանը և ոստիկանության յուրաքանչյուր աշխատակցի կատարած աշխատանքի համար։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
