Աղազարյան Հովիկը հասկացել է, որ իրա դիմացն ագենտ է և մաման լացացրել է, եղա՞վ. հիմա էլ ավելի շատ ռեյտինգս կբարձրանա․ Աղազարյան

ՔՊ-ից հեռացված Հովիկ Աղազարյանը պնդում է, որ իր նամակագրության թեմային դրամատիզմ են հաղորդել և ինքը պատրաստ է դրանց հրապարակմանն ու չի ամաչի։

«Ես համաձայն եմ երկու տղամարդ լրագրող գան իմ և ՔՊ ղեկավարության կամ Ալեն Սիմոնյանի հետ նայեն գրառումները և գնահատեն՝ ինչքան ուզում են։ Չեմ ասում այն ճնշումները, որ պատերազմից հետո ես թիմից դուրս գամ պատերազմից հետո դուրս գամ վարչապետի դեմ, դրանք պետք չի»,-լրագրողների հետ զրույցում ասաց նա։

Աղազարյանը նշեց, որ եթե կարդան կհասկանան, որ «Աղազարյան Հովիկը հասկացել է, որ իրա դիմացն ագենտ է, և մաման լացացրել է, եղավ՞»,-ասաց նա և նշեց, որ եթե իրենք չհրապարակեն, ինքը կհրապարակի։ 

Հովիկ Աղազարյանն անդրադառնալով հարցին, թե պատրա՞ստ է նրան, որ գլխավոր դատախազն իրեն անձեռնմխելիությունից զրկելու հարցով մտնի ԱԺ՝ ասաց, որ պատրաստ է. «Ես պատրաստվում եմ զոհը լինել»:

Նա հայտարարեց, որ Նիկոլ Փաշինյանը չի կարող բոլոր միջոցներով հասնել նրան, որ ինքն իր մանդատը վայր դնի. «Ինքը բոլոր միջոցներով կարող է հասնել նրան, որ ես մանդատից զրկվեմ, դրանք երկու տարբեր բաներ են»:

Աղազարյանը բացառեց, որ ինքնակամ վայր կդնի մանդատը. «Էլ ի՞նչ խնդիր, էլ պրծավ, Էլ ի՞նչ պիտի անեն: Մեկա էլի պիտի հրապարակեն, ասեն՝ այսպիսի բաներ է ասել, թող հրապարակեն: Այն անգամ էլ այս ձևի բան եղավ, ռեյտինգս չբարձրացավ, հիմա էլ ավելի շատ ռեյտինգս կբարձրանա»։ 

Նա նշեց, որ ճնշված է միայն այն պատճառով. որ ընկերները խուսափում են իրեն բարևել։