Ասում են՝ պլան չկար, ո՞նց չկար, 130 000 դրամ պլան էր դրված․ շաբաթական էլ օրենսգրքով նախատեսված 40 ժամի փոխարեն 50-52 ժամ ենք աշխատում․ ավտոբուսի վարորդը մանրամասներ է հայտնել
Ավտոբուսի վարորդների դժգոհությունները ոչ երեկ են սկսվել ու ոչ էլ նախորդ օրը։ Ավելի քան մեկ տարի է՝ նույն դժգոհություններն են ու նույն պահանջները։ NEWSPRESS.am-ի հետ զրույցում, վարորդներից մեկը պատմեց, թե ինչպես են մեքենաները լվանալու համար մինչև ժամը 3-ը հերթ կանգնել։ Նա նշեց, որ առհասարակ, մեքենաների մաքրելու և էլի տեխնիկական մի շարք հարցեր, իրենց միջոցներից են արել։
«Մեր պարտականությունը մեքենան վարելն է։ Աշխատանքից հետո հոգնած վարորդը ինչո՞ւ պիտի լվանա ավտոբուսը, մաքրի սալոնը։ Էլ չեմ ասում զուգարանի խնդիրը։ Ամեն մեքենա 6000 դրամ (3000-ական յուրաքանչյուր սմենի վարորդ, քանի որ մեքենան 2վարորդ են վարում հերթափոխով) տալիս է սեփականատիրոջը, որ զուգարանից օգտվի»,-վրդովված ասում է մեր զրուցակիցը։
Նա վստահեցնում է,որ խոստացել են այդ հարցերը լուծել, բայց չեն լուծել։
«Ասում են՝ պլան չկար մեր վրա, ո՞նց չկար, 130 000 դրամ պլան էր դրված։ Դա որ տալիս էինք, էն իրնեց ասաց հավելավճարը կոպեկներ էր մնում, ու գոնե դրանով էինք զուգարանի ու մեքենան մաքրելու հարցեր լուծում»,-շարունակեց վարորդը, ով արդեն 2 տարի է աշխատում է ավտոպարկում ու հասցրել է շատ խնդիրներ հանել ջրի երես։
Նա նաև ընդգծում է, որ ըստ աշխատանքային օրենսգրի, շաբաթական մարդ պետք է աշխատի 40 ժամ, սակայն իրենք շաբաթական 50-52 ժամ են աշխատում։ Տնօրինությունից խոստացել են վարձարտրել լրացուցիչ ժամերի համար, սակայն այդ խոստումն էլ չեն պահել։
«Էլ չեմ ասում, որ 7։20 մեքենան հանելու համար ժամը 6-ից դուրս եմ գալիս, որ ստուգեմ ավտոբուսը, տեսնեմ ինչ վիճակում է, նոր դուրս գամ երթուղի։ Ու ոչ միայն ես»,- ասաց մեր զրուցակիցը։
Ինչ վերաբերում է 150 000 դրամով աշխատավարձի ավելացմանը, որը, ըստ փոխքաղաքապետ Սուրեն Գրիգորյանի իբր չեն խոստացել, ապա մեր զրուցակցի պնդմամբ, նման խոստում տվել են։ Դա եղել է այն ժամանակ, երբ որոշվեց, որ ուղևորները առ ձեռն վարորդներին գումար չեն տալու և ուղեվարձը վճարելու են կամ ԹԵԼ ՍԵԼԼ տերմինալներով, կամ 100 դրամնոց մանրադրամը գցելու են արկղի մեջ։
Այդ ժամանակ էլ վարորդները, լրացուցիչ ծախսերի համար հավելավճարի հարց են բարձրացրել և նրանց խոստացել են 150 000 դրամով ավելացնել աշխատավարձը։
Այն ժամանակ, երբ վարորդներն իրենց պահանջներն էին հայտնում և գործադուլ անում, հայտնի դարձավ, որ նրանցից շատերին ազատել են աշխատանքից, մյուսների գործը փոխքաղաքապետը ներկայացրել է դատախազություն, իսկ քաղաքապետ Տիգրան Ավինյանն էլ հայտարարեց, որ կոմպրոմիսի չեն գնալու։
Ու չնայած դրան, մեր զրուցակիցը հայտնեց, որ տղաները խիստ որոշել են, որ այդ պայամններում չեն աշխատի և ազատման դիմում են գրելու։
Հիշեցնենք նաև, որ այսօր արդեն քաղաքապետարանը հայտարարել էր, որ անհրաժեշտ են «Դ» կարգի վարորդական իրավունք ունեցող վարորդներ։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
