Ռումինիայի խորհրդարանական ընտրությունների նախնական արդյուքններով հայտնի են հաղթողները

Ռումինիայում տեղի են ունեցել խորհրդարանական ընտրություններ։ Ավելի քան 18 միլիոն ընտրող ավելի քան 10 հազար թեկնածուներից ընտրել է 136 սենատորի և 329 պատգամավորի։

Այս մասին հայտնում է «Ազատություն» ռադիոկայանը։

Ընտրատեղամասերը փակվել են տեղական ժամանակով ժամը 21:00-ին, մասնակցությունը գերազանցել է 52 տոկոսը, ինչը զգալիորեն գերազանցում է 2020 և 2016 թվականների ընտրությունների ցուցանիշը։

Հրապարակված տվյալների համաձայն՝ սոցիալ-դեմոկրատները սենատում ստանում են 23,29 տոկոս, իսկ Պատգամավորների պալատում՝ 22,89 տոկոս։ Երկրորդ տեղը երկու պալատներում զբաղեցնում են Ռումինացիների միասնության դաշինքի ներկայացուցիչները (համապատասխանաբար 17,92% և 17,59%):

Լավագույն եռյակը եզրափակում է Ազգային ազատական ​​կուսակցությունը՝ 14,62% ​​և 13,82% ձայներով։ Չորրորդ տեղում Ռումինիայի փրկության միությունն է։

Հավելենք, որ Ռումինիան նախագահական-խորհրդարանական հանրապետություն է, որի ղեկավարը սահմանում է արտաքին և անվտանգության քաղաքականությունը, ծառայում է որպես զինված ուժերի գերագույն հրամանատար և վերահսկում է հետախուզական ծառայությունները: