Սխալ են լսել, ես նման բան չեմ ասել․ Գեղամ Նազարյանը բոլորին սխալ հասկացող որակեց․ MediaHub
Խորհրդարանական «Հայաստան» խմբակցությունը դեռևս նիստ չի գումարել ընդդիմադիր պատգամավոր Գեղամ Նազարյանի հարցը քննարկելու համար։ Սակայն այսօր «Հայաստան» դաշինքի առաջնորդ Ռոբերտ Քոչարյանը ոչ ուղիղ, բայց հասկացրեց՝ Նազարյանը պիտի հեռանա խմբակցությունից, միևնույն ժամանակ նշեց՝ մանդատը վայր դնելու հարց իրենք չեն բարձրացնելու։
Այս հայտարարությունից հետո MediaHub-ը կապ հաստատեց Նազարյանի հետ՝ հասկանալու, թե ինչ է նախատեսում ինքն անել։
«Դեռևս չգիտեմ՝ ինչ պիտի անեմ։ Մտորումների մեջ եմ»,- մեզ հետ զրույցում ասաց Գեղամ Նազարյանը։
Նա նշեց, որ դեռևս չի խոսել գործընկեր պատգամավորների հետ, չգիտի էլ՝ կխոսի, թե ոչ։ Ինչ վերաբերում է Ռոբերտ Քոչարյանին, ապա Գեղամ Նազարյանը նշեց՝ ցանկություն ունի խոսել նրա հետ։
Դիտարկմանը, որ խմբակցության նիստ է լինելու, արդյո՞ք ինքը չի զղջացել իր հայտարարության համար, և այդ մասին չի հայտնելու գործընկերներին, Գեղամ Նազարյանն արձագանքեց՝ ինչի՞ համար պիտի զղջա։
Մեր արձագանքին՝ իր հայտարարության համար, որ ընդդիմությունն այս պահին Նիկոլ Փաշինյանին հեռացնելու օրակարգ չունի, Նազարյանը կտրուկ պատասխանեց՝ ինքը նման բան չի ասել, սխալ է մեկնաբանվում իր խոսքը։
«Դուք լսե՞լ եք իմ խոսքը, թե՞ այդ վերնագիրն եք կարդացել։ Գիտեք չէ՞՝ ես նման բան չեմ ասել։ Բոլորդ, այդ թվում՝ բոլոր, բոլորը, այդ հարցը տալիս են առանց ճշտելու՝ ես դա ասել եմ, թե՝ չէ։ Ես խորհուրդ եմ տալիս՝ դուք ճշտեք, ես նման բան ասել եմ, թե՝ չէ, հետո հարցրեք՝ փոշմանել եմ, թե՝ չէ»,- նշեց նա։
Թեև նրա այդ հայտարարությունը լսել ենք, սակայն, եթե անգամ մենք՝ որպես լրատվամիջոց չենք լսել, կամ լսելուց հետո սխալ ենք ընկալել, ապա ի՞նչ կասի իր ընդդիմադիր գործընկերներին, որոնք, փաստացի, ընկալել են այնպես, ինչպես մենք․ այս հարցին Գեղամ Նազարյանն արձագանքեց՝ ասելով․ «Էդ իրենց պրոբլեմն ա, իմ պրոբլեմը չի։ Մեծ պրոբլեմ կա էս երկրում․ առանց լսելու մարդիկ եզրահանգումներ են անում, որոշումներ են կայացնում։ Տենց ոնց կլինի»։
Ճշտող հարցին, թե այդ դեպքում ինքը չի՞ ուզում ճշմարտությունը ներկայացնել գործընկերներին, Նազարյանն արձագանքեց՝ չի ուզում, հոդված է գրել «Առավոտ» թերթում, որ «մարդիկ, եթե լսելու հետ խնդիր ունեն, գրավոր լեզվով էլ կարդան»։
Վերջին հարցին, թե ի՞նչ է կարծում՝ ԱԺ գարնանային նստաշրջանին կտեսնե՞նք իրեն խորհրդարանում, Գեղամ Նազարյանը պատասխանեց․ «Չգիտեմ, իսկ ո՞վ գիտի՝ գարնանը ի՞նչ ա լինելու»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
