Ռուսաստանը պատրաստվում է պատերազմի Արևմուտքի հետ․ Գերմանական հետախուզություն

Ռուսաստանը շարունակում է պատրաստվել արևմտյան երկրների հետ իրական ռազմական առճակատման, սակայն մինչ այդ կարող է փորձել անմիաբանություն ստեղծել Հյուսիսատլանտյան դաշինքի անդամների միջև։

Այս մասին նշել է Գերմանիայի Դաշնային հետախուզական ծառայության  նախագահ Բրունո Կալը, գրում է Deutsche Welle-ն։

Կալն ասել է, որ ռուսական լայնածավալ հարձակմանը կնախորդի տեղական գործողությունները, որոնք նախատեսված են ՆԱՏՕ-ի կանոնադրության ուժը փորձարկելու համար: Բանն այն է, որ Մոսկվան փորձելու է խաթարել ՆԱՏՕ-ի անդամներին ուղղակի ռազմական օգնություն ցուցաբերելու պարտավորությունները, որոնք ամրագրված են պաշտպանական դաշինքի կանոնադրության 5-րդ հոդվածում։ 

Ռուսաստանի Դաշնության կողմից տեղական միջամտության մեկ այլ հնարավորություն, ըստ Բրունո Կալի, հակամարտությունն է Բալթյան երկրների հետ՝ տեղական ռուսալեզու փոքրամասնությունների պաշտպանության պատրվակով։ Եթե ​​նման հակամարտություններում չօգտագործվի ՆԱՏՕ-ի կանոնադրության 5-րդ հոդվածը, ՆԱՏՕ-ն կձախողվի որպես պաշտպանական դաշինք։

«Եթե օգնության խոստումն անարդյունավետ լինի, Ռուսաստանը կարող է ընդլայնել իր ազդեցությունը Եվրոպայում ագրեսիվ ուժային քաղաքականության միջոցով», - նախազգուշացրել է նա:

Գերմանական հետախուզական ծառայության ղեկավարը կրկնել է, որ այս տասնամյակի վերջում Ռուսաստանը բավականաչափ ռեսուրսներ կունենա արևմտյան երկրների հետ ուղղակի ռազմական առճակատման համար։