Հայտնի են Իսրայելի և Լիբանանի միջև զինադադարի համաձայնագրի բոլոր 13 կետերը

Հրապարակվել է Իսրայելի և Լիբանանի միջև զինադադարի համաձայնագրի ամբողջական տեքստը:

1. Հեզբոլլահը և Լիբանանի զինված այլ խմբավորումները պարտավորվում են ոչ մի հարձակողական գործողություններ չձեռնարկել Իսրայելի դեմ։

2. Իսրայելն իր հերթին պարտավորվում է հարձակողական ռազմական գործողություններ չկատարել Լիբանանի թիրախների դեմ, այդ թվում՝ գործողություններ ցամաքում, օդում և ծովում։

3. Երկու կողմերն էլ ընդունում են ՄԱԿ-ի Անվտանգության խորհրդի 1701 բանաձևի կատարման կարևորությունը։

4. Համաձայնագիրը չի վերացնում Իսրայելի և Լիբանանի ինքնապաշտպանության իրավունքը՝ միջազգային իրավունքի համաձայն։

5. Երկրի հարավային շրջաններում զենք կրելու և ուժ կիրառելու իրավունք կունենան միայն Լիբանանի պաշտոնական անվտանգության ուժերն ու զինված ուժերը։

6. Լիբանանի տարածքում զենքի ցանկացած վաճառք, մատակարարում կամ արտադրություն կլինի լիբանանյան կառավարության խիստ վերահսկողության ներքո:

7. Զենքի և զինամթերքի արտադրության հետ կապված չարտոնված օբյեկտները ենթակա են պարտադիր ապամոնտաժման:

8. Բոլոր ռազմական ենթակառուցվածքները և դիրքերը, որոնք չեն համապատասխանում պայմանագրի պայմաններին, ապամոնտաժվելու են և կառգրավվեն չարտոնված զենքերը։

9. Երկու կողմերի համար ընդունելի համատեղ կոմիտե կստեղծվի՝ վերահսկելու և հեշտացնելու համաձայնագրի պայմանների կատարումը:

10. Իսրայելը և Լիբանանը պարտավորվում են զեկուցել կոմիտեին և ՄԱԿ-ի խաղաղապահ ուժերին համաձայնագրի ցանկացած խախտման մասին:

11. Լիբանանը պարտավորվում է տեղակայել իր անվտանգության ուժերը  սահմանների, անցման կետերի և հարավային շրջանի սահմանի երկայնքով, ինչպես նշված է ծրագրում:

12. Իսրայելը պարտավորվում է 60 օրվա ընթացքում աստիճանաբար դուրս բերել իր ուժերը սահմանից այն կողմ։

13. Միացյալ Նահանգները կհեշտացնի Իսրայելի և Լիբանանի միջև անուղղակի բանակցությունները՝ ճանաչված ցամաքային սահմանը որոշելու համար: