Անթալիայի օդանավակայանում վայրէջք կատարելիս ռուսական ինքնաթիռը բռնկվել է

Անթալիայի օդանավակայանում Azimuth ավիաընկերությանը պատկանող Sukhoi Superjet 100 ինքնաթիռի շարժիչը վայրէջք կատարելիս բռնկվել է։ Այս մասին հայտնում է Airporthaber կայքը։

Նշվում է, որ ինքնաթիռը վայրէջք է կատարել անբարենպաստ եղանակային պայմաններում։

Հրդեհը բռնկվել է Սոչիից Անթալիա թռչող ինքնաթիռի վայրէջքի ժամանակ։ Ինչպես հաղորդում է HaberGlobal հեռուստաալիքը, ինքնաթիռում գտնվող 79 ուղևորները տարհանվել են։ Զոհերի մասին տեղեկություններ չկան։

Հրդեհը արագ մարվել է օդանավակայանի վերգետնյա ծառայության աշխատակիցների կողմից։ Միջադեպի պատճառով օդանավակայանում փակվել է թռիչքուղին, որով վայրէջք է կատարել ինքնաթիռը։

Վթարը կարող էր տեղի ունենալ այն պատճառով, որ վայրէջքի ժամանակ ինքնաթիռը կարող էր ձախ թևով հարվածել թռիչքուղուն։ Ըստ Mash Telegram ալիքի, հենց դրա պատճառով հրդեհ կարող էր առաջանալ ինքնաթիռի շարժիչներից մեկում:

Այս վարկածը հաստատում է այն փաստը, որ տարհանված ուղևորներն  ասել են, որ վայրէջք կատարելիս ուժեղ հարված են զգացել։