Լյուքսեմբուրգի պատգամավորների պալատն Ադրբեջանին և Թուրքիային դատապարտող բանաձևեր է ընդունել
Լյուքսեմբուրգի պատգամավորների պալատը երեք բանաձև է ընդունել՝ Ադրբեջանի իշխանությունների կողմից մարդու իրավունքների խախտումների, ժողովրդավարական արժեքների արհամարհման և քաղաքացիական ազատությունների սահմանափակման վերաբերյալ, ինչպես նաև Թուրքիայում ընդդիմադիր քաղաքապետերի պաշտոնազրկումների և դրանց՝ ժողովրդավարությանը սպառնալիք հանդիսանալու վերաբերյալ։
Բրյուսելում «Արմենպրես»-ի թղթակցի փոխանցմամբ՝ պալատը բանաձևերն ընդունել է Լյուքսեմբուրգի փոխվարչապետ, արտգործնախարար Գզավիյե Բետելի կողմից արտաքին քաղաքականության վերաբերյալ հռչակագրի ներկայացումից հետո։
Ադրբեջանում մարդու իրավունքների խախտումների վերաբերյալ բանաձևի հիմքում են մի շարք միջազգային կազմակերպությունների, այդ թվում՝ ԵԽԽՎ-ի, ԵԱՀԿ-ի, Amnesty International-ի և Human Rights Watch-ի զեկույցները, որոնք մատնանշում են Ադրբեջանում քաղաքացիական իրավունքների և ազատությունների խախտումները, ինչպես նաև Ադրբեջանի, Հայաստանի և Լեռնային Ղարաբաղի վերաբերյալ նախկինում ընդունած բանաձևերը:
Բանաձևը խստորեն դատապարտում է Ադրբեջանի իշխանությունների կողմից ԵԽԽՎ 76 պատգամավորների, այդ թվում՝ լյուքսեմբուրգցի պատգամավորներ Օկտավի Մոդերի և Իվ Կրուխտենի, «անցանկալի անձ» հայտարարելու որոշումը, կոչ է անում ադրբեջանական վարչակազմին հարգել մարդու իրավունքները և ժողովրդավարական արժեքները, ապահովել քաղաքացիական հասարակության ազատ գործունեությունը։
Բանաձևը Լյուքսեմբուրգի իշխանություններին կոչ է անում Ադրբեջանի հետ հարաբերությունների հիմքում դնել այս պահանջների իրագործումը։ Ընդունած բանաձևով Պալատը դատապարտում է Ադրբեջանի իշխանությունների կողմից կիրառվող պատժամիջոցները, պահանջում անհապաղ և առանց նախապայմանների ազատել անօրինաբար պահվող բոլոր անձանց։ Նույն պահանջով է հանդես գալիս ընդունված մեկ այլ բանաձև, որը ևս կոչ է անում Լյուքսեմբուրգի կառավարությանը՝ ի թիվս այլ միջոցառումների, աջակցել Ադրբեջանում քաղաքական շարժառիթներով ձերբակալված անձանց անհապաղ և անվերապահ ազատմանն ուղղված բոլոր նախաձեռնություններին։
Լյուքսեմբուրգի պատգամավորների պալատի ուշադրության կենտրոնում է եղել նաև Թուրքիան և այդ երկրում առկա իրավիճակը՝ կապված ընդդիմադիր ուժերի նկատմամբ ճնշումների հետ։
Ընդունած բանաձևով խորհրդարանականները դատապարտում են Թուրքիայի ընդդիմադիր քաղաքապետերի պաշտոնազրկումները՝ դրանք համարելով սպառնալիք ժողովրդավարության համար։ Բանաձևը Լյուքսեմբուրգի կառավարությանը կոչ է անում ժողովրդավարական սկզբունքների պահպանման կարևորությունն ընդգծելուն ուղղված նախաձեռնողական երկխոսություն սկսել։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
