Գյումրին ՀՀԿ-ի դժվար քաղաքն է

Այս  տարի տեղական ինքնակառավարման մարմնի ընտրություն է սպասվում հանրապետության երկրորդ խոշոր քաղաքում` Գյումրիում: Գյումրին հանրապետականների համար դժվար քաղաք է համարվում: Դա է պատճառը, որ ՀՀԿ-ն ի տարբերություն, օրինակ, Հրազդանի չի կողմնորոշվել, թե ում վրա է հենվելու քաղաքապետի ընտրություններում:

Օրինացաբարգավաճահանրապետականացված Սամվել Բալասանյանը իր աշխատանքով չի գոհացրել ՀՀԿ-ին: Սահմանադրության հանրաքվեի և դրան նախորդած ընտրություններին Բալասանյանը չի կարողացել ՀՀԿ-ի համար ապահովել այնքան ձայն, որքան կուզեր «խփել» ՀՀԿ-ն: Ավելին, Գյումրու անօթևանների խնդիրը բոլորովին վերջերս միջազգային հնչեղություն ստացավ: Ինչը թե Բալասանյանի, թե գործող իշխանության ամոթն էր: Ուստի չի բացառվում, որ Հանրապետականը հենվի նոր թեկնածուի վրա, որը կլինի Վարդանիկից ոչ պակաս նվիրված, բայց ոչ այնքան կրիմինալ որքան եղել են նվիրվածները:

Արդեն շրջանառվում են հավական թեկնածուների անունները:  Նախ շրջանառվեց Մարտուն Գրիգորյանի անունը, հիմա արդեն Հովհաննես Մանուկյանի անունն է շրջանառվում որպես Գյումրու ապագա քաղաքապետ: Հանրապետականը առայժմ լռում է և չի բացառվում, որ Գյումրու ընտրություններում թեկնածություն առաջադրի նաև ՀՅԴ-ն, քանի որ Շիրակի մարզը բոլորովին վերջերս հանձնվեց դաշնակցական ֆինանսիստ մարզպետի, ով ժամանակին որպես  թեկնածու տանուլ է տվել Գյումրու ընտրություններում: Բայց Հայաստանի քաղաքական դաշտն այնպիսին է, որ երեկվա տանուլ տվածները դառնում են վաղվա հաղթողներ, նայած թե ինչպիսի կամք կդրսևորի իշխանությունը: