ՀՀ ԲՏԱ փոխնախարարն ընդունել է Համաշխարհային բանկի ներկայացուցիչներին. քննարկվել են համագործակցության հնարավորություններ
Հայաստանի Հանրապետության բարձր տեխնոլոգիական արդյունաբերության նախարարի տեղակալ Ռուբեն Սիմոնյանը նոյեմբերի 18-ին ընդունել է Համաշխարհային բանկի (ՀԲ) ներկայացուցիչներին՝ Մրցունակության և ներդրումների բաժնի Ֆինանսների պրակտիկայի ղեկավար Սեսիլ Նիանգի գլխավորությամբ։ Այս մասին հայտնում են ԲՏԱ նախարարությունից։
Նախարարի Ռուբեն Սիմոնյանը ներկայացրել է նախարարության կողմից իրականացվող ծրագրերը՝ ուղղված Հայաստանում բարձր տեխնոլոգիաների զարգացմանն ու տնտեսության առաջընթացին, Հայաստանը տարածաշրջանային տեխնոլոգիական կենտրոն դարձնելու նպատակին։
Այս համատեքստում Ռուբեն Սիմոնյանն առանձնացրել է ԲՏԱՆ կողմից իրականացվող օրենսդրական նախաձեռնությունները, մասնավորապես՝ ԲՏ ոլորտի ռազմավարության մշակման ուղղությամբ տարվող աշխատանքները և «Բարձր տեխնոլոգիաների ոլորտի պետական աջակցության մասին» և «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքների նախագծերը, որոնցով նոր կարգավորումներ են առաջարկվում բարձր տեխնոլոգիաների ոլորտում։
Նախարարի տեղակալը մանրամասներ է ներկայացրել օրինագծերով նախատեսվող փոփոխությունների վերաբերյալ՝ առանձնացնելով երիտասարդների մասնագիտական աճին, ստարտափների զարգացմանը, Հայաստանում գործունեություն ծավալող ընկերությունների համար բարենպաստ միջավայր ստեղծելուն միտված կարգավորումները, շեշտադրել նաև այն փոփոխությունները, որոնք ուղղված են գիտական հետազոտությունների և փորձարարական մշակումների (R&D) աշխատանքների մասով։
Անդրադարձ է կատարվել նաև օրենսդրական փոփոխություններից հետո ենթաօրենսդրական ակտերի ընդունման ուղղությամբ նախատեսվող աշխատանքներին, թվային ծառայություններին, մարզերում բարձր տեխնոլոգիաների զարգացմանն ուղղված ծրագրերին։
Ներկայացվել է նաև նախարարության դրամաշնորհային մրցույթի հաղթող «Plug and Play Germany GmbH» աքսելերատորի գործունեությունը Հայաստանում, որը նպատակ ունի օգնելու հայաստանյան ստարտափներին աճել, ձեռք բերել նոր հմտություններ, նոր մտածողություն՝ հասնելով միջազգային մակարդակի։
Ռուբեն Սիմոնյանն ընդգծել է, որ նախարարության բոլոր ծրագրերը փոխկապակցված են, դրանք լրացնում են միմյանց՝ ուղղված լինելով մեկ նպատակի՝ Հայաստանի տնտեսության զարգացմանն ու առաջընթացին։
Սեսիլ Նիանգին նշել է, որ ներկայացված բոլոր ծրագրերն առաջիկայում կքննարկվեն մենեջմենթի թիմի ու փորձագետների հետ և հնարավորինս սեղմ ժամկետում կներկայացվեն համագործակցության նոր հնարավորություններ՝ շեշտը դնելով հատկապես R&D-ի վրա։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
