Սերգեյ Փարաջանովի 100-ամյակին նվիրված կանցկացվի միջոցառումների շարք

Նոյեմբերի 19-ին, ժամը 19:00-ին «Հայ-Արտ» մշակութային կենտրոնում (հասցե՝ Մաշտոց 7 Ա) կբացվի «Հակոբ Կոջոյան» կրթահամալիրի` Սերգեյ Փարաջանովի 100 ամյակին նվիրված 10-օրյա ցուցահանդես, որն ուղեկցվելու է դասընթացներով:

«Հակոբ Կոջոյան» կրթահամալիրից հայտնում են, որ նպատակը Փարաջանովին վերարժեվորելն է` որպես մարդ, համառ ու համարձակ մտածող, պոետիկ կինոյի հիմնադիր, համաշխարհային կինոարվեստում ուրույն տեղ ունեցող ստեղծագործող, ում նույնիսկ խորհրդային գրաքննությունն ու հետապնդումները չկարողացան լռեցնել:

10-ը օր շարունակ Փարաջանովին նվիրված ցուցադրությամբ, քննարկումներով, ելույթներով հանդես կգան «Հակոբ Կոջոյան» կրթահամալիրի ուսուցիչներն ու աշակերտները, տնօրենը, Երևանի թատրոնի և կինոյի պետական ինստիտուտի, Հայաստանի գեղարվեստի պետական ակադեմիայի, Հայկական պետական մանկավարժական համալսարանի ուսանողները: Միջոցառումը հրաշալի հնարավորություն է ծոնթանալու երիտասարդ սերնդի փարաջանովյան ընկալումներին:

Միջոցառումների շարքը կբացվի «Սերունդների երկխոսություն. Փարաջանովը և ժամանակակիցները» ցուցահանդեսով։ Կողք կողքի կցուցադրվեն «Հակոբ Կոջոյան» կրթահամալիրի ուսուցիչների ու աշակերտների ստեղծագործությունները:

Ժամանակացույց.

19. 11. 2024 թ., ժամը` 19:00
«Սերունդների երկխոսություն. Փարաջանովը և ժամանակակիցները» Ցուցահանդես

20․11․2024, ժամը` 15։00
«Սերգեյ Փարաջանովի կինոն. պոետիկ կերպարների վարպետը»
բանախոս՝ Մարիա Իսրայելյան, ԵԹԿՊԻ

21․11․2024, ժամը` 15։00
«Փարաջանովի կինոարվեստի բնութագիր»
բանախոս՝ Ջուլիանա Ղազարյան, ԵԹԿՊԻ

22․11․2024 Երաժշտական երեկո

23․11․2024, ժամը` 15։00
«Փարաջանովի ու Տարկովսկու փոխհարաբերություններն ու առնչություններն արվեստում»
բանախոս՝ Արուսյակ Հովհաննիսյան, ՀԳՊԱ

24․11․2024 թ. - հանգստյան օր

25․11․2024 թ., ժամը՝ 15:00
«Փարաջանովի կոլաժները» բանախոս՝ Արսեն Շահվերդյան, ՀՊՄՀ

25.11.2024 թ., ժամը` 16։00
«Արվեստ առանց սահմանների». կոլաժների ստեղծման աշխատարան

26․11․2024 թ., ժամը` 15։00
«Խորհրդային կարգերն ու Փարաջանովը. ստեղծագործություն ճաղերից այն կողմ» բանախոս՝ Դավիթ Պետրոսյան, ՀԳՊԱ

27․11․2024 թ., ժամը` 15։00
«Ջոկոնդայի կերպարանափոխությունները» բանախոս՝ Ռուզաննա Երեմյան, «Հակոբ Կոջոյան » կրթահամալիրի տնօրեն, արվեստաբան

28․11․2024 թ. «Փարաջանովի կյանքն ու գործունեությունը» Զրույց-հանդիպում

29․11․2024 թ. Միջոցառման փակում