Սա կազմակերպված պարտություն էր, անտեր եմ, Հայաստան աշխարհում թիկունք չունեմ. զոհվածի հարազատ (տեսանյութ)

«Սա կազմակերպված պարտություն էր։ Մեծ ծրագիր ունեին, ավարտին հասցրեցին։ Իսկ ծրագրի հեղինակներն են՝ նախկինների սխալը, հիմիկվա կազմակերպվածությունը»։

«Եռաբլուր զինվորական պանթեոնում լրագրողների հետ զրույցում ասաց 44-օրյա պատերազմում զոհված Արթուր Եղիազարյանի մորաքույրը։ Արթուր Եղիազարյանը զոհվել է նոյեմբերի 9-ին։ Մարտունի 2-րդում էր ծառայել մեկ տարի, սերժանտ էր։ Վերջին անգամ խոսել է մորաքրոջ հետ նոյեմբերի 8-ին. «Նոյեմբերի 3-ին խոսել էինք, ասել էր՝ մորքուր ջան, ամեն ինչ լավ է, մի վախեցեք, ուղղակի չգիտեմ՝ ե՞րբ է վերջանալու այս դժոխքը։ Նոյեմբերի 8-ին, որ զանգել էր, խոսելուց միայն ծիծաղում էր, ասում էր՝ մորքուր ջան լավ մնացեք, ամեն ինչ լավ է լինելու, իմ համար մի մտածեք, լավ եմ, կպրծնի, կգանք։

Նոյեմբերի 9-ին խփել են՝ հրադադարից մի քանի ժամ առաջ»։

Եղբոր որդին Ստեփանակերտի մոտ բենզինի պայթյունի վայրումէ եղել, մինչ օրս նրա մասին տեղեկություն չունեն։