Լուսավորվել են Արփա գետի կիրճի և Ջերմուկի խորհրդանիշ եղնիկի արձան տանող ճանապարհի շրջակա ժայռերը

ՀՀ Վայոց ձորի մարզի Ջերմուկ խոշորացված համայնքում ենթակառուցվածքների զարգացմանն ուղղված սուբվենցիոն ծրագրեր իրականացվել են մարզի բոլոր երեք բնակավայրերում, հատնում է ՀՀ ՏԿԵ նախարարությունից։

Ծրագրերն ուղղված են եղել և՛ բնակիչների կենսապայմանները բարելավելուն, և՛ Ջերմուկը՝ որպես զբոսաշրջային քաղաք, ավելի գրավիչ դարձնելուն։ 2023 թվականին իրականացվել է 3 ծրագիր։

Ջերմուկ քաղաքի Արփա գետի կիրճի և Ջերմուկի խորհրդանիշ եղնիկի արձան տանող ճանապարհի շրջակա ժայռերի լուսավորության իրականացում» սուբվենցիոն ծրագիր՝ երկու ենթածրագրով։

• Շինարարական աշխատանքներ իրականացնող կազմակերպության՝ «Սուսմետ» ՍՊԸ-ի հետ կնքվել է պայմանագիր։ Ենթածրագրի արժեքը կազմել է 7,53 մլն ՀՀ դրամ։ Համայնքի մասնաբաժինը կազմել է 3,01 մլն ՀՀ դրամ կամ 40%, իսկ ՀՀ կառավարության համամասնությունը կազմել է 4,52 մլն ՀՀ դրամ կամ 60%: Տեխնիկական հսկողություն իրականացնող կազմակերպությունը «Ստյոպշին» ՍՊԸ-ն է: Կատարվել են հողային աշխատանքներ, անցկացվել է էլեկտրական մալուխ, տեղադրվել են հենասյուներ և լուսատուներ:
• Շինարարական աշխատանքներ իրականացնող կազմակերպությունների՝ «Հովզավ» ՍՊԸ, «Սուսմետ» ՍՊԸ հետ կնքվել են պայմանագրեր։ Ենթածրագրի ընդհանուր արժեքը կազմել է 44 612 884 ՀՀ դրամ, որից համայնքի մասնաբաժինը կազմել է 17 846 000 ՀՀ դրամ կամ 40%, իսկ ՀՀ կառավարության համամասնությունը կազմել է 26 766 884 ՀՀ դրամ կամ 60%:

Ծրագրի իրականացման արդյունքում լուսավորվել են Ջերմուկ քաղաքի Արփա գետի կիրճի և Ջերմուկի խորհրդանիշ եղնիկի արձան տանող ճանապարհի շրջակա ժայռերը ՝ առանձնակի գրավչություն հաղորդելով տեղանքին։

«Ջերմուկի քաղաքային և Կեչուտ գյուղի գերեզմանատների բարեկարգում, Ջերմուկ քաղաքի Ձախափնյակ 7 շենքին և Ջերմուկ քաղաքի Ձախափնյակ 22 շենքին կից աստիճանների հիմնանորոգում, Ջերմուկ համայնքի աղբամանների տեղակայման վայրերի բարեկարգում» սուբվենցիոն ծրագիր՝ 3 ենթածրագրով․

Ծրագրի ընդհանուր արժեքը կազմել է 92 907 500 ՀՀ դրամ, որից համայնքի մասնաբաժինը կազմել է 46 453 750 ՀՀ դրամ կամ 50%, ՀՀ կառավարության համամասնությունը ևս կազմել է 46 453 750 ՀՀ դրամ ՀՀ դրամ կամ 50%:

Ծրագրի իրականացման արդյունքում բարեկարգվել են Ջերմուկի քաղաքային և Կեչուտ գյուղի գերեզմանատները, Ջերմուկ համայնքի աղբամանների տեղակայման վայրերը, հիմնանորոգվել են Ջերմուկ քաղաքի 2 բնակելի շենքերին կից աստիճանները։

«Ջերմուկ քաղաքի Մյասնիկյան փողոցի սկզբնամասում գտնվող Վ. Սարգսյանի անվան զբոսայգու բարեկարգման աշխատանքներ, Ջերմուկ քաղաքի Ազատամարտիկների պուրակի բարեկարգման աշխատանքներ» սուբվենցիոն ծրագիր․ ծրագրի ընդհանուր արժեքը կազմել է 78 956 260ՀՀ դրամ, որից համայնքի մասնաբաժինը կազմել է 43 425 943 ՀՀ դրամ կամ 55%, իսկ ՀՀ կառավարության համամասնությունը կազմել է 35 530 317 ՀՀ դրամ կամ 45%: Ծրագրի իրականացման արդյունքում բարեկարգվել են Ջերմուկ քաղաքի Վ. Սարգսյանի անվան զբոսայգին և Ազատամարտիկների պուրակը։

2024 թվականին Վայոց ձորի մարզում հաստատված 10 սուբվենցիոն ծրագրերից 2-ը բաժին են ընկնում Ջերմուկ համայնքին։

«Ջերմուկ համայնքի Գնդեվազ գյուղի ոռոգման ցանցի ընդլայնում»․ ընդհանուր գումարը՝ 80 352 840 ՀՀ դրամ է։

«Կանաչ Հայաստան» բնապահպանական, կրթական ՀԿ-ի, ՄԱԿ-ի Զարգացման ծրագրի Գլոբալ էկոլոգիական հիմնադրամի Փոքր դրամաշնորհների ծրագրով, Ջերմուկի համայնքապետարանի և ՀՀ կառավարության սուբվենցիայով իրականացվում է «Պարենային անվտանգության ապահովում Վայոց ձորի մարզի Գնդեվազ բնակավայրում» ծրագիրը։

Շինարարությունն իրականացվում է երեք տեղամասերում, առաջինում իրականացվում է խողովակաշարերի տեղադրում, երկրորդ և երրորդ տեղամասերում ընթանում են շինարարական աշխատանքներ։ Այս ծրագրով ոռոգելի կդառնան շուրջ 120 հա հողեր, որտեղ հիմնաված են նորատունկ այգիներ, և առկա են նաև գյուղատնտեսական նշանակության հողեր։

Շինարարական աշխատանքներ իրականացնող կազմակերպություն՝ «Ջերմուկշին» ՓԲԸ: Կատարվել է աշխատանքների 74%ը:

«Կեչուտ գյուղի հանդիսությունների սրահի հիմնանորոգում, Կեչուտ գյուղի բակային տարածքի աստիճանների և հենապատի կառուցում, Գնդեվազ գյուղի գերեզմանատուն տանող աստիճանների կառուցում»։

Մրցույթ դեռ չի հայտարարվել։