«Է հա, ինչքա՞ն 100 դրամանոց կարանք տանք»․ 100 դրամանոցի ծրագիրը քաղաքացիների մոտ լարվածություն է առաջացրել
Այսօր առավոտից սկսել է գործել ուղեվարձի վճարման նոր կարգը՝ 100 դրամանոցներով կամ QR կոդով երթևեկելու մասին։
Հարկ է նկատել, որ, ինչպես և ակնկալվում էր, Երևանի քաղաքապետարանում այս հարցին մատների արանքով են նայել։
Վարորդներին արգելվել է քաղաքացիներից գումար վերցնել կամ մանրել գումարը։ Արդյունքում քաղաքացիները կամ գումար չեն տալիս, կամ էլ հետ չեն ստանում իրենց 200 դրամանոցի մանրը։
Այսպես, 100 դրամանոց չունես և ունես, օրինակ, 200-անոց, ապա մինչ այդ մետաղադրամների համար նախատեսված տեղում դնում ես այդ 200 դրամանոցն ու առանց մանր ստանալու՝ գնում առաջ (կրկին հիշեցնենք, որ վարորդին արգելվում է վերցնել գումարը կամ մանր տալ)։
Առավոտյան, երբ վարորդը հիշեցրեց, որ բացի 100 դրամանոցներից այլ դրամ չի վերցնի, ուղևորներից մեկը բորբոքվեց․ «Դե, եթե մենակ 100 դրամ ենք տալու` թող մենակ 100 դրամանոց արտադրեն, էդ 50, 200 կամ 500 դրամանոցներն ինչի՞ են արտադրում»,- ասաց կինը։
Մյուսները ևս հունից դուրս եկան։ Ուղևորներից մեկն էլ նկատեց․ «Է հա, ինչքա՞ն 100 դրամանոց կարանք տանք, հո էդ 100 դրամներն անսպա՞ռ չեն»։
Վարորդն էլ սրտնեղեց, թե` ինքն ի՞նչ անի․ «Առանց այն էլ լարված եմ, զանգեք քաղաքապետարանի թեժ գիծ, ձեր բողոքները էնտեղ ասեք»։
Մի խոսքով` ինչ է ստացում...
Փաստորեն, սա Երևանի քաղաքապետարանի ուղեվարձի թանկացման նոր մեթոդն էր՝ կեցցեն քաղաքապետարանի «մտածող գլուխները»․ երբ խոսքը քաղաքացիներից գումար կորզելու մասին է՝ «մտածող գլուխների» ուղեղները շատ լավ են աշխատում։ Եվ ով գիտի, թե դրանք մտնում են բյուջե՞, թե՞ ինչ-որ մեկի գրպանը (քանի որ շատ կարևոր հարցեր լուծելու համար, չգիտես ինչու, բյուջեում անընդհատ փող չկա)։
Արմինե Մկրտումյան
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
