«Գերագույն Խորհուրդ» պատգամավորական ակումբի նախագահությունն ՀՀ ԱԺ նախագահից պահանջել է այն իրավական հիմքը, որով ԱԺ անվտանգության աշխատակիցները Ռուբեն Հակոբյանին հեռացրել են ԱԺ շենքից

«Գերագույն Խորհուրդ» պատգամավորական ակումբի նախագահությունը իր մտահոգությունն է հայտնել հոկտեմբերի 17-ին ԱԺ-ում տեղի ունեցած լսումների ժամանակ արձանագրված միջադեպի առնչությամբ, երբ անվտանգության աշխատակիցները հարկադրաբար ԱԺ շենքից հեռացրեցին ԱԺ նախկին պատգամավոր Ռուբեն Հակոբյանին։

ԱԺ նախագահին հասցեագրված դիմումում պատգամավորական ակումբի նախագահությունը պահանջել է ներկայացնել այն իրավական հիմքը, որով գործել են ԱԺ անվտանգության աշխատակիցները հոկտեմբերի 17-ին Աժ շենքից Ռուբեն Հակոբյանին հեռացնելիս «Գերագույն խորհուրդ» պատգամավորական ակումբի նախագահությունը, որպես պառլամենտարիզմի ավանդույթների աջակցման կազմակերպության ղեկավար մարմին, իր մտահոգությունն է հայտնում սույն թվականի հոկտեմբերի 17-ին ԱԺ-ում «Հայաստանի անկախության հռչակագրի անժամանացելի արդիականության մասին» թեմայով ընթացող լսումների ընթացքում, ԱԺ տարածքից, ԳԽ-ի պատգամավոր Ռուբիկ Հակոբյանիի հեռացման հետ կապված միջադեպի կապակցությամբ։ Ցավոք, նման միջադեպերի պարբերական բնույթով պայմանավորված, տպավորություն է ստեղծվում, որ գործող օրենսդրական ակտերը, ենթաօրենսդրական նորմատիվ իրավական ակտերը չեն ապահովում արդյունավետ գործիքակազմ, որը մինիմումի կհասցնի նման միջադեպերը», - ասված է դիմումի մեջ։

Միաժամանակ շեշտվում է, որ ՀՀ ԱԺ հեղինակությունը շատ կարևոր է բոլորիս համար և համոզմունք հայտնում, որ այդպես է նաև Ալեն Սիմոնյանի համար, որ նրան նույնպես մտահոգում են նման միջադեպերը։ «Դիմելով Ձեզ, ակնկալում ենք Ձեր հանձնարարականը՝ ԱԺ համապատասխան ստորաբաժանմանը, Աժ անվտանգության աշխատակիցների գործողությունների իրավական հիմքերը, նման խնդիրների կարգավորման համար ընդունված նորմատիվ իրավական ակտի կարգավորման ազդեցության կատարած գնահատումը, «Գերագույն Խորհուրդ» պատգամավորական ակումբի նախաձեռնությանը տրամադրելու համար», - նշել են դիմումի հեղինակները։