ՀՀ պատվիրակությունը ներկայացրել է վիզաների ազատականացման ոլորտում «միգրացիոն բարեփոխումները»
Հոկտեմբերի 21-ից 24-ը Ավստրիայի Հանրապետությունում տեղի է ունեցել Վիեննայի միգրացիոն ամենամյա համաժողովը, որին մասնակցել է նաև ՆԳՆ միգրացիայի և քաղաքացիության ծառայության պետ Արմեն Ղազարյանը։
Միգրացիոն քաղաքականության մշակման հարցերը քննարկելու համար համաժողովին մասնակցել են շուրջ 200 քաղաքական գործիչներ, բարձրաստիճան պաշտոնյաներ, փորձագետներ, ոլորտի մասնագետներ, միջազգային կազմակերպությունների, քաղաքական հասարակության, ակադեմիայի և այլ ներկայացուցիչներ՝ աշխարհի տարբեր երկրներից։
Հյուրընկալող կողմը Միգրացիոն քաղաքականության մշակման միջազգային կենտրոնն էր (ICMPD/ՄՔԶՄԿ)։
ՆԳՆ միգրացիայի և քաղաքացիության ծառայության պետ Արմեն Ղազարյանը հանդիպել է ԵՄ ապաստանի գործակալության (EU Asylum Agency) տնօրեն Նինա Գրեգորիին: Քննարկվել են երկկողմ համագործակցության հարցեր, մասնավորապես՝ ՆԳՆ միգրացիայի և քաղաքացիության ծառայության աշխատակիցների կարողությունների զարգացման համար կազմակերպել դասընթացներ՝ ԵՄ ապաստանի գործակալության համապատասխան գործիքակազմն օգտագործելու հնարավորությամբ:
Համագործակցության հեռանկարներն են քննարկվել ՄՔԶՄԿ գլխավոր տնօրեն Միխայիլ Շպինդելեգերի հետ հանդիպման ընթացքում։
Արմեն Ղազարյանը հանդիպում է ունեցել նաև ՄՔԶՄԿ միգրացիոն երկխոսության և համագործակցության տնօրինության ղեկավար Սեդեֆ Դիիրինգիի հետ, որի ընթացքում ներկայացվել են Հայաստանի միգրացիոն ոլորտի բարեփոխումները, քննարկվել են հետագա համագործակցության ծրագրերը՝ հատկապես վիզաների ազատականացման շրջանակներում նոր նախաձեռնությունների իրականացման շրջանակում։
Ազատության, անվտանգության և արդարադատության ոլորտում ՏՏ համակարգերի գործառնական կառավարման ԵՄ գործակալության (eu-LISA) ներկայացուցչի հետ հանդիպման ընթացքում պայմանավորվածություն է ձեռք բերվել EU-LISA Գործակալության հետ հետագա համագործակցության, մասնավորապես՝ միգրացիոն գործընթացների թվայնացման, տվյալների բազաների և լայնածավալ ՏՏ համակարգ գործարկման, տեխնոլոգիական փորձի փոխանակման և այլ հարցերի շուրջ։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
