Սյունիքն այն մարզն է, որտեղ առավելագույնս է տեսանելի Ֆրանսիայի աջակցությունը․ դեսպան
Սյունիքի մարզպետ Ռոբերտ Ղուկասյանն այսօր մարզի համայնքապետերի հետ ընդունել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին ու Ֆրանսիայի Օվերնյ-Ռոն-Ալպ շրջանի փոխնախագահ Թիերի Կովաքսի գլխավորած պատվիրակությանը, որի կազմում են շրջանի 6 քաղաքների քաղաքապետեր ու փոխքաղաքապետեր:
Մեր մարզի ու Օվերնյ-Ռոն-Ալպ շրջանի միջև համագործակցությունը նոր փուլ է մտնում՝ արդեն երկու կողմի համայնքների մակարդակով՝ որպես շարունակություն 2023-ի գարնանը Սյունիքի ու Ֆրանսիայի այս ռեգիոնի միջև Տաթևում կնքված համագործակցության համաձայնագրի։
Մարզի յուրաքանչյուր համայնք «քույրանալու» գործընթաց է սկսել Օվերնյ-Ռոն-Ալպի քաղաքներից մեկի հետ, որը նախաձեռնվել ու կյանքի է կոչվել մարզպետի աշխատակազմի ջանքերով։
Ժամանած քաղաքապետերն ու պաշտոնյաներն այս օրերին կլինեն մարզի այն համայնքներում, որոնց հետ համագործակցության հիմք է դրվել, իսկ նոյեմբերին արդեն Ֆրանսիայում՝ Լիոն քաղաքում կայանալիք «Օվերնյ-Ռոն-Ալպ - Հայաստան/Սյունիք» միջոցառման շրջանակում կկնքվեն համագործակցության հուշագրեր համապատասխան զույգ համայնքների միջև։
Սյունիքի մարզպետ Ռոբերտ Ղուկասյանը ողջունեց բարեկամ ռեգիոնի պատվիրակության անդամներին ու ՀՀ-ում Ֆրանսիայի դեսպանին և շնորհակալություն հայտնեց այցի համար։
«Շնորհակալություն եմ հայտնում նաև այն մեծ աշխատանքի համար, որ իրականացվել է մինչ այս պահը երկկողմ համաձայնագրի շրջնակում, - նշեց մարզի ղեկավարը, - հայ-ֆրանսիական հարաբերությունները գտնվում են ամենաբարձր մակարդակում, իսկ այսօր նախադեպը չունեցող ապակենտրոնացված համագործացության հիմք ենք այստեղ ստեղծում, որը, վստահ եմ՝ երկար է տևելու ու՝ ի շահ մեր երկու ժողովրդի»։
Ռոբերտ Ղուկասյանը նաև ասաց, որ արդեն մեկ տարի է՝ երկու կողմերի միջև բազմաթիվ աշխատանքային քննարկումներ են տեղի ունեցել, որի նպատակն այն էր, որ համագործակցությունն ի սկզբանե դրվի մասնագիտական ուսումնասիրությունների հենքի վրա։
«Շատ ենք կարևորում նաև փոխադարձ այցելությունները, որոնք լավ մեկնարկ են երկարատև ու ճիշտ համագործակցության համար․ հիմա համայնքների մակարդակ տեղափոխելով այս համագործակցությունը՝ պատրաստակամ ենք մշտապես խորացնել ու ընդլայնել այն», - եզրափակեց մարզպետը։
Թիերի Կովաքսը հիշեցրեց, որ երկու մարզերի միջև կնքված համաձայնագրի շրջանակում համագործակցությունը հիմնականում կզարգանա առողջապահական, տնտեսական, գյուղատնտեսական, մասնագիտական կրթության ոլորտներում։
Օլիվիե Դըկոտինյին կարևորեց այցն ու համագործակցության խորացման ուղղությամբ կատարվող այս քայլը՝ այն համարելով հայ-ֆրանսիական բարեկամության և համերաշխության ևս մեկ դրսևորում։
«Մեր աջակցությունը Հայաստանին լիակատար է ու առանց նախապայմանների, և Սյունիքն այն մարզն է, որտեղ առավելագույնս է տեսանելի այդ աջակցությունը», - ասաց ՀՀ-ում Ֆրանսիայի դեսպանը։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
