Նոր պայմաններ բնակարան ձեռք բերող ընտանիքներին

Մեկ տարվա ընթացքում 1 մլրդ. դրամի ներդրում կատարելու դեպքում՝ տվյալ տարվա ընթացքում հնարավոր կլինի առնվազն 1900 շահառուի ապահովել բնակարանով: Նման առաջարկով է հանդես եկել ՀՀ աշխատանքի և սոցիալական հարցերի նախարարությունը: Այսօր այս մասին հայտնեց ՀՀ աշխատանքի և սոցիալական հարցերի աշխատակազմի ժողովրդագրության բաժնի պետ Վանիկ Բաբաջանյանը:

Ըստ նրա, ՀՀ պետական բյուջեով, 30 տարի շարունակ 1 միլիարդ դրամ ներդնելով, կարող է լուծվել Հայաստանում բնակարանի կարիք ունեցող ընտանիքների խնդիրը:

Վ. Բաբաջանյանը նաև նշեց, որ «Երիտասարդ ընտանիքին` մատչելի բնակարան» ծրագրից ոչ բոլորն են կարողանում օգտվել, քանի որ կանխավճարը կազմում է մարզերում՝ 1.6-1.8 միլիոն դրամ, իսկ Երևանում` 4.8 միլիոն դրամ. ծրագրից օգտվելու հնարավորություն ունեն այն ամուսնական զույգերը, ովքեր գտնվում են մինչև 30 տարեկանի միջակայքում:

«ՀՀ աշխատանքի և սոցիալական հարցերի նախարարությունը ժողովրդագրական իրավիճակի բարելավման 2016-2018 թթ. ծրագրի նախածգում առաջարկում է կանխավճարի չափի նվազեցում, տարիքային շեմի բարձրացում, որ ավելի մեծ թվով շահառուներ ընդգրկվեն ծրագրում»,-ասաց նա: