ՔԿԾ և Ազգային գրադարանի միջև կնքվել է փոխըմբռնման և համագործակցության հուշագիր
Հոկտեմբերի 16-ին Հայաստանի ազգային գրադարանի նախագահական դահլիճում Քրեակատարողական համակարգի կազմավորման 105-ամյակի կապակցությամբ Քրեակատարողական ծառայության կենտրոնական մարմնի կողմից կազմակերպվել էր «Քրեակատարողական համակարգում սոցիալ-հոգեբանական աշխատանքների մարտահրավերները» խորագրով գիտաժողով, որին բանախոսություններով հանդես են եկել Քրեակատարողական ծառայության կենտրոնական մարմնի սոցիալական, հոգեբանական և իրավական աշխատանքների բաժնի ղեկավարն ու աշխատակիցները, քրեակատարողական հիմնարկների հոգեբանները, Պրոբացիայի ծառայության վերասոցիալականացման և վերականգնողական բաժնի պետն ու աշխատակիցները։
Ողջույնի խոսքով հանդես են եկել Քրեակատարողական ծառայության պետի առաջին տեղակալ, արդարադատության գնդապետ Սահակ Գրիգորյանը և Հայաստանի ազգային գրադարանի տնօրեն, գրականագիտության դոցենտ, բանասիրական գիտությունների թեկնածու Աննա Չուլյանը։
Գիտաժողովին մասնակցել են նաև Եվրոպայի խորհրդի երևանյան գրասենյակի ներկայացուցիչ Դիանա Ղազարյանը, Աշխատանքի և սոցիալական հարցերի նախարարության ներկայացուցիչներ, «Իրավական նախաձեռնությունների կենտրոն» ՀԿ նախագահ Նարե Հովհաննիսյանը, քրեակատարողական հիմնարկների սոցիալական, հոգեբանական և իրավական աշխատանքների բաժինների հոգեբաններ և սոցիալական աշխատողներ, Երևանի պետական համալսարանի դասախոսներ, ուսանողներ և այլ հյուրեր։
Բանախոսները ներկայացրել են իրենց գործնական աշխատանքի ընթացքում իրականացված ուսումնասիրությունները, հետազոտությունները կրկնահանցագործության, ցմահ ազատազրկման դատապարտվածների, աուտոագրեսիվ վարքի, սոցիալական աշխատանքի հիմնախնդիրների և այլ թեմաների վերաբերյալ։
Գիտաժողովին հաջորդել է ՀՀ ԱՆ քրեակատարողական ծառայության և Հայաստանի ազգային գրադարանի միջև փոխըմբռնման և համագործակցության հուշագրի կնքումը, որը ստորագրել են Ծառայության պետ, արդարադատության գնդապետ Ամբակում Գրիգորյանը և Ազգային գրադարանի տնօրեն Աննա Չուլյանը։
Հուշագրի նպատակն է ընդլայնել և զարգացնել երկու կառույցների միջև մշակութային հաղորդակցությունը, որի շրջանակներում Ազգային գրադարանը կաջակցի քրեակատարողական հիմնարկներում էլեկտրոնային գրադարանի ստեղծման, հաշմանդամություն ունեցող ազատազրկված անձանց համար բրայլյան և ձայնագրքերի ժամանակավոր տրամադրման գործում։ Ընդ որում, հիմնարկներին գրքեր կդրամադրվեն ոչ միայն ժամանակավոր, այլ նաև գրքափոխանակման ֆոնդի միջոցով՝ անհատույց։
Բացի այդ՝ Ազգային գրադարանի մասնագետների կողմից քրեակատարողական հիմնարկներում կկազմակերպվեն մշակութային, տեղեկատվական միջոցառումներ, իսկ հիմնարկների աշխատակիցների հետ կանցկացվեն գրադարանի առանձնահատկությունների և գրադարանավարության վերաբերյալ փորձի փոխանակման դասընթացներ։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
