Ֆրանսիայի բարեգործական համերգի հասույթը` հաշմանդամություն ունեցող հայ երեխաներին. (տեսանյութ)

Բարեգործական համերգներ Ֆրանսիյում և Ավստրիայում` հայ հաշմանդամություն ունեցող երեխաներին օգնելու համար
«ԷԽՈ» հասարակական կազմակերպությունը եւ Ֆրանսիայում «Հայ ուսանողական միությունը (COPEA)» համատեղ կազմակերպում են բարեգործական համերգներ Ֆրանսիայի Փարիզ և Մարսել քաղաքներում, ինչպես նաև Ավստրիայի Վիեննա քաղաքում: Մարտի 17-ին համերգ տեղի կունենա Մարսելում, մարտի 19-ին Փարիզում և մարտի 20-ին Վիեննայում: Այսօր «Անդրադարձ» մամուլի ակումբում «ԷԽՈ» ՀԿ նախագահ Սերյոժա Օհանջանյանը եւ ժողովրդական, ազգագրական երգիչներ Դավիթ Հակոբյանը, Եվա Եգանյանն ու Գրիգոր Միրզոյանը մանրամասնեցին, որ համերգներից ստացված ողջ հասույթը կտրամադրվի հաշմանդամություն ունեցող երեխաների սոցիալ-առողջական ներառման և վերականգնման աջակցմանը ՀՀ-ում, այն փոխանցվելու է «ԷԽՈ» ՀԿ-ում գրանցված շուրջ 200 հաշմանդամություն ունեցող երխաներին, մասնավորապես այն երխաներին, որոնք ունեն մանկական ուղեղային կաթված:

«ԷԽՈ» ՀԿ նախագահ Սերյոժա Օհանջանյանը ասաց, որ ՀԿ-ն Հայաստանում բազմաթիվ բարեգործական համերգներ է կազմակերպել, որոնց գումարները ուղղվել են հաշմանադամություն ունեցող երեխաների վերականգնողական ծրագրերին:

«Եվրոպայում առաջին անգամ փորձեցինք դնել բարեգործական համերգներ, միտքը առաջացավ Ֆրանսիայում բնակվող իմ ընկերոջ` Արտակ Թադևոսյանի մոտ, ով առաջարկեց բարեգործական համերգ կազմակերպել և ինքն էլ իր ներդրումը կունենա երեխաների վերականգնողական ծրագրերին, երգիչներին առաջարկեցինք մեծ սիրով համձայնեցին, և մեծ պատասխանատվությամբ են մոտենում»,-մանրամասնեց նա:

Ժողովրդական, ազգագրական երգիչներ Դավիթ Հակոբյանը, Եվա Եգանյանն ու Գրիգոր Միրզոյանը ընգծեցին, որ միշտ պատրաստ են կանգնել հաշմանդամություն ունեցող անձանց կողքին:

«Ուզում եմ հատկապես նշեմ` շատ ուրախ եմ, որ այնտեղ ներկայացնելու եմ ազգային ժողովրդական երգը, հպարտ եմ, որ այդ երգը ծառայեցնու ենք հրաշալի նպատակի»,-ասաց երգիչ Դավիթ Հակոբյանը:

Մանրամասները` տեսանյութում