Բաքուն COP29-ով փորձում է մաքրել իր իմիջը Արցախի էթնիկ զտումից հետո․ զեկույց
Մեծ Բրիտանիայի խորհրդարանի Համայնքների պալատի գրադարանը հրապարակել է ուսումնասիրություն՝ ՄԱԿ-ի կլիմայի փոփոխության 29-րդ համաժողովի՝ Բաքվում անցկացման վերաբերյալ։ Համայնքների պալատի գրադարանը իրականացնում է նաև հետազոտական և տեղեկատվական ծառայություններ, որոնք տրամադրվում է խորհրդարանի պատգամավորներին, որպես հավելյալ տեղեկատվության աղբյուր։ Հայտնում է «Գարդման-Շիրվան-Նախիջևան» համահայկական միությունը։
Ուսումնասիրության մեջ անդրադարձ է կատարվել կոնֆերանսի առաջնահերություններին, ինչպես նաև Բաքվում դրա անցկացմանը՝ Ադրբեջանում մարդու իրավունքների պաշտպանության անբավարար մակարդակի պայմաններում։ Ուսումնասիրության մեջ առանձնացված է «Peacewashing» և մարդու իրավունքների մտահոգությունները ենթավերնագիրը, որում մանրամասնեցվում է, թե ինչ նպատակով է Ադրբեջանը փորձում օգտագործել COP29-ը։ Ուսումնասիրության մեջ հղում է կատարվում Freedom House կազմակերպության զեկույցներին, որոնք Ադրբեջանը համարում է իրապես անազատ երկիր՝ կոռուպցիայի, քաղաքացիական ազատությունների ճնշման, ազատ ընտրությունների անցկացման համար։ Բացի Freedom House կազմակերպության հրապարակումից, այս ուսումնասիրությունում հղում է կատարվում նաև ԱՄՆ Պետդեպարտամենտի 2023 թվականի մարդու իրավունքների պրակտիկայի վերաբերյալ զեկույցին։ Հրապարակման մեջ հղում է կատարվում նաև Human Rights Watch իրավապաշտպան խմբի արձանագրմանն առ այն, որ ընդառակ COP29-ին ուժեղացել է կառավարության «ճնշումը» քննադատների նկատմամբ։ Զեկույցը որպես Բաքվի իմիջի «մաքրման» առարկա է համարում նաև Լեռնային Ղարաբաղում տեղի ունեցած իրադարձությունները։
«Գարդման-Շիրվան-Նախիջևան» համահայկական միությունը ողջունում է Մեծ Բրիտանիայի խորհրդարանի Համայնքների պալատի գրադարանի հետևողական ուսումնասիրությունը։ Սակայն հարկ է արձանագրել, որ Ադրբեջանում մարդու իրավունքների խախտումներն ամենևին չեն սահմանափակվում միայն քաղաքացիական ազատությունների ճնշումներով։ Ադրբեջանի կառավարության բնութագրիչներից է նաև խորքային ռասիզմը՝ հայատյացության համակարգային դրսևորմամբ, որը հանգեցրել է Լեռնային Ղարաբաղի հայության փուլային էթնիկ զտմանը՝ տարբեր գործիքակազմերի կիրառմամբ։ Համայնքների պալատի գրադարանը պետք է արձանագրի նաև, որ նման քաղաքականությունը ադրբեջանական տարբեր վարչակարգերի կողմից շարունակվում է արդեն ավելի քան մեկ դար և այդ քաղաքականությանը զոհ են գնացել ամբողջ պատմական Գարդմանի, Շիրվանի, Նախիջևանի բնիկ էթնիկ հայերը՝ իրենց ստեղծած ազգային-մշակութային միջավայրի հետ միասին, որը բարբարոսաբար ոչնչացվել կամ խեղվել է։
Նման պատմական իրողությունների զուգակցումը ընթացիկ իրադարձություններին էլ ավելի է ամբողջացնում Ադրբեջանի՝ որպես ահաբեկչական և հակահումանիստական պետության նկարագիրը։ Մենք կոչ ենք անում միջազգային հանրությանը աչալուրջ գտնվել Ադրբեջանի՝ իրականության աղավաղման փորձերի նկատմամբ և հետամուտ լինել մարդու իրավունքների և ազատությունների պաշտպանության խնդրին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
