Իսրայելի ընդդիմությունը կոչ է անում հարձակվել Իրանի նավթահանքերի վրա

Իսրայելի ընդդիմության առաջնորդ և Իսրայելի նախկին վարչապետ Յաիր Լապիդը կարծում է, որ Իրանի վրա Իսրայելի պատասխան հարձակման թիրախը պետք է լինեն նավթի հանքերը, որոնք լրջորեն կհարվածեն Իրանի տնտեսությանը։

«Մենք պետք է սկսենք նավթի հանքերից», - ասել է Լապիդը Jerusalem Post-ին:

«Ես համաձայն չեմ ամերիկյան վարչակազմի հետ։ Չեմ կարծում, որ սա էապես կբարձրացնի նավթի գներն աշխարհում հարվածից հինգ րոպե առաջ»,- հավելել է նա։

Yesh Atid կուսակցության առաջնորդն ընդգծել է, որ իրանական նավթի արտահանումն արդեն կրճատվել է կիսով չափ, սակայն դա չի հանգեցրել համաշխարհային տնտեսական ճգնաժամի։ Միաժամանակ իրանական նավթահանքերին հասցված հարվածը, նրա կարծիքով, զգալի վնաս կհասցնի Իրանի տնտեսությանը։ Սրանից հետո համաշխարհային տնտեսական ճգնաժամից խուսափելու համար Լապիդն առաջարկել է նավթի արդյունահանումն ավելացնելու համար դիմել նավթ արդյունահանող այլ երկրներին, օրինակ՝ Սաուդյան Արաբիային։