Դպրոցում ձերբակալումը տրավմատիկ է, հակասում է ականատես երեխաների լավագույն շահին
Երեխաների իրավունքների պաշտպանության գծով միջազգային փորձագետ, իրավաբանական գիտությունների թեկնածու, դոցենտ Դավիթ Թումասյանը անդրադարձել է Ջոն Կիրակոսյանի անվան դպրոցում ուսուցչի նկատմամբ իրականացված ԱԱԾ գործողություններին․
«Երեխայի նկատմամբ սեռական հանցագործություն կատարած յուրաքանչյուր ոք պետք է ենթարկվի ամենախիստ պատասխանատվության և պատժի, սակայն դա չի նշանակում, որ այդ անձի ձերբակալումը, բերման ենթարկվելը կամ հարկադրանքի այլ միջոց կիրառելը պետք է իրականացվի այլ անձանց, մասնավորապես՝ երեխաների իրավունքները խախտելով:
Երեխայի իրավունքների մասին ՄԱԿ-ի կոնվենցիայի 3-րդ հոդվածի, ՀՀ ընտանեկան օրենսգրքի 1-ին հոդվածի և այլ իրավական ակտերով երեխայի լավագույն շահն առաջնային է, և պետական ու տեղական ինքնակառավարման մարմինները չպետք է կատարեն որևէ գործողություն, որը հակասում է երեխայի լավագույն շահին կամ վնասում է այն:
Միջազգային մարմինների (ՄԱԿ, ԵԽ, ԵՄ և այլն) բազմաթիվ ակտեր փաստում են, որ բռնության ականատես երեխաներին պետք է վերաբերել որպես բռնությինից տուժողների, ինչից ելնելով տուժող և վկա երեխաների հետ թե՛ հարցաքննության, թե՛ քննչական այլ գործողությունները, թե՛ վարվեցողության կանոնները նույնն են: Տուժող և վկա երեխաների նկատմամբ նման մոտեցումը պայմանավորված է բռնության ականատես լինելու դեպքում նույն հոգեբանական տրավման վերապրելով ինչ բռնության ենթարկվելու դեպքում: Այսինքն, բռնության ականատես երեխան նույն սթրեսը, վախը, տագնապը և այլ նմանատիպ հույզերն ու վիճակներն է վերապրում, ինչ բռնության ենթարկված երեխան:
Այս դոգման հանգեցրել է նրան, որ երեխաների ներկայությամբ բազմաթիվ գործողություններ, որոնք վնասում են երեխայի նորմալ ֆիզիկական և հոգեկան զարգացումը, արգելված են: Դրանց շարքին են դասվում հարկադրանք կիրառելով գործողությունները, զենքի կամ այլ անձանց կյանքի համար վտանգովոր այլ եղանակներով միջոցառոջմների կազմակերպումը, սեռական ենթատեքստ ունեցող գործողություններով ուղեկցվող կամ դրան առնչվող այլ գործողությունները:
Հետևաբար, Ջոն Կիրակոսյանի անվան դպրոցում ձերբակալումը, հետապնդելով հանրօգուտ նպատակ, հակասում է այդ գործողության ականատես երեխաների լավագույն շահին, տրավմատիկ է, և նմանատիպ դեպքերը պետք է բացառվեն իրավապահ մարմինների ներկայացուցիչներին երեխայակենտրոն և երեխայազգայուն մոտեցումներ կիրառելու հմտություններ սովորեցնելով՝ բացառելով հետագայում նման պրակտիկայի կիրառումը:
Նման մոտեցումն ունի միայն մեկ բացառություն, եթե հրատապ չարձագանքելը հանգեցնելու էր ենթադրյալ հանցագործի փախուստի կամ նրա կողմից նոր հանցագործություն անմիջական կատարելուն: Հիմնվելով դպրոցից հասած տեղեկությունների վրա՝ վերը նշված երկու իրավիճակներն էլ այսօր առկա չէին:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
