ԵՏՄ անդամների միջև ոչ բավարար ինտեգրացիան վտանգում է դաշինքի կայունությունը. Տիգրան Սարգսյան

Եվրասիական տնտեսական խորհրդի՝ մարտի 1-ին կայացած հերթական նիստում քննարկվել են առևտրի, գյուղատնտեսական ոլորտի և տեխնիկական կառավարմանն առնչվող հարցեր: Այս մասին հայտնում է Եվրասիական տնտեսական հանձնաժողովի մամլո ծառայությունը:

Հանձնաժողովի ղեկավար Տիգրան Սարգսյանը նիստի ընթացքում նշել է, որ հանձնաժողովը պետք է ավելի ակտիվ դիրք զբաղեցնի Եվրասիական ինտեգրացիայի ամրապնդման գործում:

«Եվրասիական տնտեսական միության անդամ երկրների միջև ոչ բավարար ինտեգրացիան հանդիսանում է վտանգ դաշինքի կայունության համար»,- հայտարարել է Տիգրան Սարգսյանը:

Ըստ հաղորդագրության, խորհուրդը հավանության է արժանացրել ԵԱՏՄ-ում բժշկական սարքավորումների շուկայի վերաբերյալ երկու փաստաթուղթ: Մասնավորապես՝ փաստաթղթերից մեկով սահմանվում են բժշկական սարքավորումների և դեղամիջոցների արտադրության համար պարտադիր կանոններ:

Մեկ այլ փաստաթղթով սահմանվում է, ԵԱՏՄ անդամ երկրներում դեղամիջոցների և բժշկական սարքավորումների արտադրության դադարեցման և արգելքի կիրառման ընդհանուր կանոններ: Բացի դրանից նսիտի ժամանակ քննարկվել է խորհրդի գյուղատնտեսական դեպարտամենտի զեկույցը, որը վերաբերում է 2015-18թթ.-ի համար նախանշված միջոցառումների պլանի կյանքի կոչմանը:

Նիստի ընթացքում նշվել է, որ խորհուրդն ակտիվորեն համագործակցում է ՄԱԿ-ի պարենի և գյուղատնտեսական կազմակերպության հետ: Համագործակցության գլխավոր նպատակը պարենային անվտանգության բնական ռեսուրսների արդյունավետ օգտագործման ոլորտներում համատեղ նախագծերի իրականացումը: