Հայաստանը չի կարողանում իր օդային տարածքը կարգավորել

Ապրիլի երկրորդ կեսին Հայաստանի շուկա է մտնելու ազգային փոխադրող, Արմենիա ավիաընկերությունը, որի բաժնետերերից մեկը վրացի է:
Նշենք, որ այժմ գործում է օդային տարածքի ազատականացման հայեցակարգը, երբ ազգային փոխադրող «Արմավիան» 2013 թվականի ապրիլի 1-ին հայտարարել էր սնանկության մասին:

Հայաստանի Քաղավիացիայի գլխավոր վարչությունը ուղևորափոխադրումների արտոնագիր էր տրամադրել «Էյր Արմենիա» (Air Armenia) ընկերությանը:

Այս ընթացքում, լինելով հայաստանյան միակ փոխադրող, սահմանափակ ինքնաթիռներով, չկարողացավ դիմակայել ռուսական և ֆինանսապես, և հզոր ավիապարկով համալրված ընկերությունների մրցակցությանը: Ռուսական Յուտէր, Աէրոֆլոտ, Սիբերիա, Տրանսավիա և այլ ընկերություններ հատկապես Կրասնոդար ուղղությամբ այնպիսի գնային քաղաքականություն էին կիրառում, որ «Էյր Արմենիա»-ն պարզապես չդիմացավ: Երբ հայկական միակ փոխադրողը շուկայից դուրս եկավ, ավիաընկերությունների գնային քաղաքականությունը միանգամից աճեց:
Այժմ նորաստեղծ «Արմենիա» ավիաընկերությունը խոստանում է 49 դոլարով չվերթներ իրականացնել Երևան-Եվրոպա:

Նշենք, որ այժմ Հայաստանից ավիատոմսերի գները զգալիորեն բարձր է, քան նույն ուղղություններով Վրաստանից, այդ է պատճառը, որ հաճախ են ՀՀ քաղաքացիները նախընտրում հասնել Թբիլիսի, սակայն մատչելի գներով օգտվել օդային տրանսպորտից:

Ավիատոմսերի բարձր գների համար պակաս ազդեցություն չթողեց նաև օդանավակայանային ծառայությունների շուկայում միակ օպերատոր «Զվարթնոց» օդանավակայանի առաջարկած ծառայությունների ցանկը:

«Զվարթնոց»-ի կոնցեսիոն ղեկավար «Կորպորասյոն Ամերիկա»-ն ի տարբերություն ողջ աշխարհում անվճար տրամադրվող բեռնասայլակների, ավտոմեքենաների կայանատեղերի համար, բուֆետների, կրպակների համար տարբեր վճարներ էր սահմանել:

Այժմ այլ հարց է, թե ինչու վրացի սեփականատերը կցանկանա Հայաստանից էժան գնով ավիատոմսեր վաճառել և թռիչքներ իրականցնել, այն ժամանակ, երբ Վրաստանում այդ համակարգը բավականին ճկուն է: Իհարկե կունենան իրենց բիզնես-շահերը, սակայն ոչ Վրաստանի բիզնես-շահերի հաշվին:

Այնպես, որ Հայաստանի օդային փոխադրողների հարցը անկախությունից հետո որևէ կերպ չի կարգավորվում. Ավիաընկերությունները պարզապես սնանկանում են, իսկ օդային տարածքը մնում է օտարերկրյա փոխադրողներին, ովքեր իրենց պայմաններն են թելադրում:

Մնում է հուսալ, որ նորաստեղծ «Արմենիա» ավիաընկերությունը կկատարի իր խոստումը և մատչելի գնով ավիատոմսեր կառաջարկի: Ինչքան էլ ազատ երկինք լինի, այնուամենայնիվ մի տեղ, որտեղ տեր չկա` անտերություն է: