Դատաբժիշկը հաստատեց` Հայկազ Բարսեղյանը չէր կարող ինքնասպան լինել. (տեսանյութ)

Երևանի Ավան և Նոր Նորք վարչական շրջանների ընդհանուր իրավասության դատարանում շարունակվում է Վազգեն Սարգսյանի անվան ռազմական ինստիտուտի կուրսանտ Հայկազ Բրասեղյանի սպանության գործի քննությունը: Դատարանում դատաբժիշկն այսօր պատասխանում է կողմերի հարցերին:

Փորձաքննության եզրակացության համաձայն Բարսեղյանի մահը վրա է հասել մեխանիկական շնչահեղձությունից, պարանոցի օրգանները` բութ առարկայով սեղմելու հետևանքով:

Առկա է հետմահու ճմլման ակոս, ինչը ինքնստինքյան բացառում է ինքնասպանության վարկածը, որն առաջ էր քաշել մեղադրվող կողմի փաստաբանը:

Բազմաթիվ հարցեր տրվեցին փորձագետ, ով միևնույն է վերահաստատեց դատաբժշկական փորձաքննության արդյունքները:

Մեղադրյալներից Գնել Թեւոսյանի պաշտպան Արա Զաքարյանը, հայտարարեց, որ փորձագետը պետք է հաշվի առներ նաեւ դեպքի վայրի զննության արձանագրությունը, ինչը չի արել.«Ես հիմնվում եմ միայն դիահերձման տվյալների վրա: Անգամ եթե կինոյով էլ այդ ամենը ցույց տային, ես հիմնվելու էի դիակի դատաբժշկական փորձաքննության տվյալների վրա»,- պատասխանեց փորձագետը` Վիգեն Ադամյանը:

Մանրամասները` տեսանյութում