Հեռուստատեսությունը վաղուց հանրային չի, փաշինյանական է, իսկ Պետրոս Ղազարյանը երեկ ստում էր ուղիղ եթերում. Արմեն Աշոտյան

Ինչի՞ վրա եք զարմանում: Ես զարմանում եմ ձեր զարմանքի վրա, ամեն տեղ, որտեղ հասարակությունն ուզում է իր արդարացի պահանջը ձևակերպել, առաջանում են ոստիկանական շարքեր` լինի համալսարան, բուհական միջավայր, հեռուստաընկերություն: Այս մասին այսօր Հակակոռուպցիոն դատարանից դուրս գալուց հետո ասաց ՀՀԿ փոխնախագահ Արմեն Աշոտյանը` պատասխանելով հարցին, թե ոստիկանական շարքերը Հանրային հեռուստաընկերության դիմաց հանրությունի՞ց էին պաշտպանում: 

«Հեռուստատեսությունը վաղուց հանրային չի, փաշինյանական է: Այո, գուցե մեր ժամանակ էլ լիարժեք անկախ չի եղել Հ1-ը, բայց էսօրվա պես խայտառակություններ չեն եղել: Նիկոլը, հիշում եմ, Հ1-ի էկրաններից չէր իջնում` բոլոր հաղորդումների` զվարճալի, իմիջային, քաղաքական, անգամ ես եմ հյուրընկալել իմ հաղորդաշարում, եթե չեմ սխալվում: Իսկ Պետրոս Ղազարյանը երեկ ստում էր ուղիղ եթերում, մի քանի անգամ 2018-ի դեկտեմբերից հետո, երբ որ վերջին անգամ գնացի Հանրային հյուր` իրեն հյուր, դիմել եմ, որպեսզի ինձ հրավիրի, իսկ ես, կներեք անհամեստությանս համար, վերջին մարդը չեմ Հայաստանի քաղաքական դաշտում, որին 5 տարի չեն հրավիրել եթեր: Լավ, 15 ամիսը կալանքի տակ էի, բա էն մնացած 3,5 տարին ինչո՞ւ չեն ինձ հրավիրել եթեր: Այսինքն Հ1-ում կա շատ խիստ սև ցուցակ, և Սրբազանի դժգոհությունները մեղմ էին ու իրավացի»,- ասաց Աշոտյանը: