Փախnւստի դիմած քրեшկան հեղինшկություն «Կոկո»-ին դեռ չեն գտել. մանրամասներ
Օրերս մամուլը գրեց, որ քրեական հեղինակություն «Ալավերդյանցի Կոկոն»՝ 34-ամյա Կոնստանտին Հունանյանը, փախուստի է դիմել բժշկական կենտրոնից, ուր նրան տեղափոխել էին քրեակատարողական հիմնարկից:
«Կոկո» մականունը կրող Կոնստանտինը ազատազրկված է սպանության համար: Մասնավորապես, նա ազատազրկվել է 2020 թվականի հունիսի 9-ին Երևան քաղաքի Շենգավիթ վարչական շրջանի Մայիսի 9-ի փողոցի 9-րդ շենքի բակում «Կյաժ Աշոտ» մականվամբ 28-ամյա Աշոտ Պետրոսյանին հրազենի գործադրմամբ սպանելու մեղադրանքով։
MediaHub-ին որոշ տեղեկություններ են հայտնի դարձել այս դեպքից: Մեր աղբյուրի փոխանցմամբ՝ Հունանյանը տևական ժամանակ կրել է ազատազրկումն ԱԱԾ մեկուսարանում, որից հետո տեղափոխվել է քրեակատարողական հիմնարկներից մեկը, սակայն այնտեղից նրան նորից վերադարձրել են մեկուսարան: Պատճառը կապում են մականունավոր դատապարտյալի անվտանգությանը սպառնալիքի հետ:
Շուրջ երկու շաբաթ առաջ նա տեղափոխվել է «Արթմեդ» բժշկական կենտրոն՝ իբրև թե առողջական խնդիրներով, որտեղից էլ երկու օր առաջ փախուստի է դիմել: Ասացին՝ նրան հսկող անձնակազմը եղել է կողքի սենյակում, երբ հանցագործին հաջողվել է ճողոպրել և ազատության մեջ հայտնվել:
MediaHub-ը դիմեց Քրեակատարողական վարչության հանրային կապերի բաժնի պետ Նոնա Նավիկյանին ճշտելու մեր ունեցած տեղեկությունների իսկությունը: Վերջինս արձագանքեց. «Այս պահին ընթանում են որոնողական գործողություններ։ Այլ տեղեկությունների տրամադրումը նպատակահարմար չէ»։
ԱՆ «Քրեակատարողական բժշկության կենտրոն» ՊՈԱԿ-ից էլ հետաքրքրվեցինք, թե ո՞ր ՔԿՀ-ից է տեղափոխվել Կոնստանտին Հունանյանը բժշկական կենտրոն և որքա՞ն ժամանակ է եղել բժիշկների հսկողության տակ մինչ փախուստի դիմելը: ՊՈԱԿ-ից ուղորդեցին դիմել առողջապահության նախարարություն, որտեղից էլ ասացին՝ գրավոր դիմենք:
Ոստիկանությունից էլ մեզ փոխանցեցին՝ հանցագործը դեռ չի հայտնաբերվել, որոնումները շարունակվում են:
Ի դեպ, մեր տեղեկություններով՝ «Կոկո»-ին փնտրում են ոչ միայն ուժայինները, այլև քրեական աշխարհի ներկայացուցիչները:
Նշենք նաև, որ մինչ «Կյաժ Աշոտ»-ի սպանությունը Կոնստանտին Հունանյանը՝ «Կոկոն» դատապարտված է եղել ավազակային հարձակում կատարելու համար և ազատ է արձակվել համաներմամբ:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
