Արմեն Խաչատրյանի որդին անգամ կայքում է արտոնյալ. «Ժողովուրդ»

«Ժողովուրդ» օրաթերթը գրում է․

«ՀՀ փորձաքննությունների կենտրոն ՊՈԱԿ-ում թեև բազում աշխատակիցներ կան, սակայն «Ժողովուրդ» օրաթերթը նկատեց, որ պաշտոնական կայքում ընդգծված է ՔՊ-ական պատգամավոր Արմեն Խաչատրյանի որդու «կերպարը»:

Տասնյակ բաժնի պետերի, այլ աշխատակիցների ֆոնին պատգամավորի որդու՝ Էդուարդ Խաչատրյանի լուսանկարն է «զարդարում» ՊՈԱԿ-ի պաշտոնական կայքը:

Անշուշտ, սրանք մանրուքներ չեն և արտացոլում են որոշ ՔՊ-ականների արագ անցումը բուրժուական կարգավիճակի։ Դե իսկ Արմեն Խաչատրյանը կարկառուն «նախկին» է, «նախկինների թալանի դարբնոց»՝ ՃՈ բարձրաստիճան պաշտոնյա, իսկ հիմա իրեն ազնիվ հռչակած կերպար է, որի որդու բարեհաջող կարիերայի և աշխատավարձի մասին «Ժողովուրդ»-ը ավելի վաղ գրել էր՝ ներկայացնելով Էդուարդ Խաչատրյանի ունեցվածքը, մասնավորապես, որ վերջինս, ըստ իր հայտարարագրի, միանձնյա սեփականությամբ հողամաս է գնել, որը գտնվում է Արմավիրի մարզի Մայիսյան գյուղում, և ձեռք է բերվել 2021 թվականին, սակայն 2022 թվականին Շանթ Պետրոսյանի կողմից օտարվել է 5 մլն դրամով։ Տարեսկզբին պատգամավորի որդին ունեցել է 2 մեքենա՝ Toyota մակնիշի, 2015 թվականի արտադրության, որը ձեռք է բերվել 2019 թվականին, և 2011 թվականի արտադրության Nissan մակնիշի ավտոմեքենա՝ ձեռք բերված 2021 թվականին։ Տարվա ընթացքում պատգամավորի որդին ձեռք է բերել ևս մեկ մեքենա՝ 2002 թվականի արտադրության Volkswagen, որը նույն տարում օտարվել է 500 հազար դրամով. նույն տարում օտարվել է նաև Nissan մակնիշի մեքենան 3 մլն 500 հազար դրամով։

Տպավորություն է, թե Էդուարդ Խաչատրյանը մեքենաների առքուվաճառքի բիզնեսով է զբաղված եղել:

Նշենք, որ Էդուարդ Խաչատրյանի բանկային հաշիվների մնացորդը կազմել է 1 մլն 707 հազար դրամ, կանխիկ դրամական միջոցները՝ 2 մլն դրամ: Նրա հաշվետու տարվա եկամուտը կազմել է 17 մլն 420 հազար դրամ, որից 4 մլն 420 հազար դրամը աշխատանքի վարձատրություն է ՀՀ ԱԺ փորձագիտական վարչության պետաիրավական փորձաքննությունների բաժնից։ Այսինքն՝ պատգամավորի որդին աշխատում է ԱԺ-ում»:

Մանրամասները` թերթի այսօրվա համարում