Ահա թե ուր են գնացել Ադրբեջանի նավթային դոլարները

Ադրբեջանում դոլարով միլիոնատերերի թիվը վերջին 10 տարում աճել է 444 տոկոսով:

Ադրբեջանը միլիոնատերերի թվաքանակով ամենաարագ աճող երկրներից է։ Այս թեմայով ուսումնասիրություններ է կատարել բրիտանական հայտնի Knight Frank LLC ընկերությունը։

2015 թվականի ընթացքում աշխարհում 30 մլն դոլար և ավել կարողություն ունեցողների ֆինանսական կարողությունները 20․8 տրիլիոնից պակասել է մինչև 19․3 տրիլիոն։ Իսկ միլիոնատերերի թիվը պակասել է 5500-ով։ 2015 թվականի վերջի տվյալներով աշխարհում 30 մլն դոլար և ավելին ունեցողների թիվը կազմել է 187․5 հազար մարդ։ 2015 թվականի համեմատ աշխարհում միլիոնատերերի թիվն ավելացել է 61 տոկոսով։

10 տարվա ընթացքում միլիոնատերերի թվաքանակի աճով առաջին տեղում Մոնղոլիան է 475 տոկոս ցուցանշով, իսկ երկրորդ տեղում Ադրբեջանը 444 տոկոս ցուցանշով։ 2005 թվականին Ադրբեջանում 30 միլիոն և ավել ունեցողների թիվը եղել է 1000 մարդ։ 2015 թվականի տվյալներով այն հասել է 5600-ի։ Հետաքրքիր է, որ չնայաց նավթի գնի անկմանը, 2014 թվականի համեմատ 2015 թվականին Ադրբեջանի այսպիսի միլիոնատերերի թիվը 100 հոգով ավելացել է։