Խոշոր հրդեհ է բռնկվել Երևանի թիվ 185 հիմնական դպրոցում. դասասենյակը վերածվել է մոխրակույտի

Այսօր` սեպտեմբերի 28-ին, խոշոր հրդեհ է տեղի ունեցել Երևանում: Ժամը 15:35-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Համո Բեկնազարյան փողոցի թիվ 5 հասցեում գտնվող Երևանի թիվ 185 հիմնական դպրոցի շենքում հրդեհ է բռնկվել:

Shamshyan-ի հաղորդմամբ՝ արզվել է, որ հրդեհը բռնկվել է նշված դպրոցի 2-րդ հարկում գտնվող փայտագործության դասասենյակում:
 
Ըստ նախնական տեղեկությունների` բարեբախտաբար տուժածներ չկան:

Թե ինչն է եղել հրդեհի պատճառը, պարզվում է: