ՀՀ-Վրաստան հարաբերությունները բարձրացվեցին ռազմավարական գործընկերության մակարդակի․ դեսպան
Սեպտեմբերի 24-ին Վրաստանում ՀՀ դեսպանությունը Թբիլիսիի Շերատոն Մետեխի հյուրանոցի սրահում կազմակերպեց պաշտոնական ընդունելություն՝ նվիրված Հայաստանի Հանրապետության Անխակության 33-րդ տարեդարձին։ Այս մասին հայտնում են Վրաստանում Հայաստանի դեսպանությունից։
«ՀՀ դեսպան Աշոտ Սմբատյանն իր շնորհավորական ուղերձում անդրադարձավ անկախության ընթացքում Հայաստանի կրած փորձություններին, ինչպես նաև արձանագրված հաջողություններին՝ նշելով, որ անկախություն հռչակելը մի խնդիր է, անկախությունը պահպանելն ու ամրապնդելն՝ այլ խնդիր։ Դեսպանն անդրադարձավ նաև տարածաշրջանային խնդիրներին, խաղաղության գործընթացին և այդ ուղղությամբ ՀՀ կառավարության կողմից գործադրվող ջանքերին։ Ա․ Սմբատյանը ընդգծեց նաև, որ ընթացիկ տարին բացառիկ է հայ-վրացական հարաբերություններում, քանի որ ՀՀ և Վրաստանի հարաբերությունները բարձրացվեցին ռազմավարական գործընկերության մակարդակի։
Վրաստանի խորհրդարանի նախագահ Շալվա Պապուաշվիլին իր խոսքում անդրադարձավ հայ և վրաց ժողովուրդների հազարամյա եղբայրական հարաբերություններին, երկու պետությունների միջև ձևավորված ռազմավարական հարաբերություններին, խորհրդարանների միջև ակտիվ փոխգործակցությանը և տարբեր ոլորտներում փոխշահավետ համագործակցությանը։
Միջոցառմանը վրացական կողմից ներկա էին նաև Վրաստանի խորհրդարանի առաջին փոխխոսնակ Գեորգի Վոլսկին, խորհրդարանի մշտական հանձնաժողովների նախագահներ Նիկոլոզ Սամխարադձեն և Մակա Բոճորիշվիլին, Աշխատանքի, առողջապահության և սոցիալական հարցերի նախարար Միխայիլ Սարջվելադզեն, Պետական անվտանգության ծառայության ղեկավար Գրիգոլ Լիլուաշվիլին, Արտաքին հետախուզական ծառայության պետ Իրակլի Բերայան, ԱԳ նախարարի տեղակալ Ալեքսանդր Խվտիսիաշվիլին և այլ բարձրաստիճան պաշտոնյաներ։ Վրաստանի խորհրդարանի իր գործընկերոջ հրավերով Թբիլիսիում գտնվող ՀՀ Ազգային ժողովի գիտության, կրթության, մշակույթի, սփյուռքի, երիտասարդության և սպորտի մշտական հանձնաժողովի նախագահ Սիսակ Գաբրիելյանի գլխավորած պատվիրակությունը նույնպես մասնակցեց պաշտոնական ընդունելությանը։
Ընդունելության ընթացքում ցուցադրվեց Հայաստանի տեսարժան վայրերի և զբոսաշրջային գրավչության մասին ֆիլմ, իսկ երաժշտական կատարումներով հանդես եկավ Երևանի Չայկովսկու անվան երաժշտական դպրոցի սան Դավիթ Հակոբյանը»,- ասվում է հաղորդագրությունում:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
