Երեխաների անձնական տվյալները և լուսանկարները չպետք է հրապարակվեն. (տեսանյութ)

«Սեյվ դը չիլդրեն» կազմակերության հայաստանյան ներկայացուցչության տնօրեն Արսեն Ստեփանյանը և «Վորլդ Վիժն» Հայաստան ծրագրի տնօրեն Ժիրայր Էդիլյանը այսօր «Անդրադարձ» մամուլի ակումբում իրենց մտահոգությունը հայտնեցին զանգվածային լրատավամիջոցների կողմից երեխանների անձնական տվյալների օգտագործման վերաբերալ:

Նրանց դիտարկմամբ՝ կյանքի դժվարին իրավիճակում հայտնված երեխաների համար ԶԼՄ այս կամ այն հրապարակումը կարող է լուրջ հոգեբանական ազդեցություն ունենալ, ինչպես նաև պատճառ հանդիսանալ խտրական վերաբերմունքի: Կազմակերպությունների ներկայացուցիչները որպես թարմ օրինակ բերեցին փետրվարի քսանյոթին լրատվական կայքերից մեկում տեղ գտած հրապարակումը՝ գիշերօթիկ հաստատություններից մեկում տեղի ունեցած արտակարգ դեպքի, դրա կանխման գործընթացի վերաբերյալ: Հրապարակման մեջ եղել է ինքասպանության փորձ կատարող երեխանների անձնական տվյալները, անգամ երեխաներրից մեկի լուսանկարը:

Բանախոսները կոչ արեցին ԶԼՄ-ների Էթիկայի Դիտորդ մարմնին ՝ երեխաների անձնական տվյալների օգտագործման խնդիրը մանրամասն կանոնակարգել վարքականոններում:
Ասուլիսի մեկ այլ բանախոս ՀՀ քննչական կոմիտեի քրեական գործերի քննության աջակցության վարչության (ՀԿԳ) ավագ քննիչ, իրավաբանական գիտությունների թեկնածու, դոցենտ Դավիթ Թումասյանն էլ ասաց, որ կանոնակարգումը պետք է լինի համահունչ ՀՀ Սահմանադրության Հոդված 34-ին՝ անձնական տվյալների պաշտպանության մասով, Հոդված 31-ին՝ Մասնավոր և ընտանեկան կյանք պատվի ու բարի համբավի անձեռնմխելիությունը:

Մանրամասները՝ տեսանյութում