Պապոյանը հետևել է խաղողի մթերման ընթացքին
ՀՀ էկոնոմիկայի ախարար Գևորգ Պապոյանն այցելել է Արարատի մարզ՝ խաղողի մթերման ընթացքին հետևելու և առկա խնդիրները տեղում քննարկելու նպատակով: Այցի ընթացքում նախարարին ուղեկցել են Արարատի մարզպետ Սեդրակ Թևոնյանը, նախարարի տեղակալ Արման Խոջոյանը և Արտաշատ համայնքի ղեկավար Կառլեն Մկրտչյանը։
Նախարարը նախ այցելել է «Ոստան գինու գործարան» ՍՊԸ, շրջել ընկերությունում և ծանոթացել մթերման գործընթացին։
Ընկերությունում արդեն իսկ մթերվել է 1300 տոննա խաղող, մթերման քանակի սահմանափակում չունեն։
Այնուհետև Գևորգ Պապոյանն այցելել է Այգեպատ համայնքում գտնվող «Բագրատ Գրուպ» ՍՊԸ, որն ունի 3 ենթակայան, դրանցից մեկն արդեն հասցրել է մթերել շուրջ 1000 տոննա խաղող։ Ընդհանուր առմամբ, ընկերությունը նախատեսում է ընթացիկ տարում մթերել ավելի քան 20 հազար տոննա խաղող։
Նախարարի հաջորդ կանգառը «Երևանի կոնյակի գործարան» ՓԲԸ-ի Արարատի մասնաճյուղում էր։ Այստեղ մթերումները մեկնարկել են այսօր․ միայն այս մասնաճյուղում նախապես կնքվել է 12 հազար տոննա խաղողի մթերման պայմանագիր, մթերման գինը սահմանվել է 140 դրամից սկսած։ Ընկերության Արմավիրի մասնաճյուղում մթերումները նախօրեին են մեկնարկել, իսկ Բերդի մասնաճյուղում կմեկնարկեն առաջիկայում։
Գինեվետ համայնքում նախարարը հետևել է «Վեդի-Ալկո» ՍՊԸ-ում մթերումների կազմակերպմանը։ Ընկերությունն արդեն մթերել է շուրջ 2000 տոննա խաղող, մթերման քանակի սահմանափակում չունեն։
«Վեդի-Ալկո» ՍՊԸ-ն օգտվել է կառավարության ագրոպարենային ոլորտի սարքավորումների լիզինգի աջակցության ծրագրից՝ ձեռք բերելով նորագույն սարքավորումներ և արդիականացնելով արտադրական գործընթացը։
«Վեդի-Ալկո» ընկերությունում Գևորգ Պապոյանն իր ստորագրությունն է թողել անվանական տակառի վրա: Այցի ընթացքում նախարարը նաև զրուցել է գյուղացիների և տնտեսավարողների հետ խաղողի մթերմանն առնչվող հարցերի, մասնավորապես՝ մթերման ծավալների և մթերման գնի շուրջ, լսել նրանց հուզող հարցերը։
Բնակիչները մեծամասամբ նշել են, որ բերքի մթերման գնից, հերթերից ներկա պահին դժգոհություն չունեն։ Ընդհանուր առմամբ՝ այցի ընթացքում պարզ դարձավ, որ մթերվող խաղողի գինը տատանվում է 130-140 դրամի շրջակայքում, դատելով ընթացքից՝ այս տարի գյուղացիները խաղողի իրացման խնդիր չեն ունենալու։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Ահասարսուռ միջադեպ «ԱՊՐԻ» պահածոների գործարանում․ բեռնատար վերելակը ճզմել է աշխատակցուհու դեմքն ու կ...
Եղեգնաձոր համայնքում ՔՊ-ի թեկնածուն ստացել է ձայների 47.8%-ը
Կիրանցի «մածեմածիկան». Ինչ էին ակնկալում, որ Կիրանցում ՔՊ-ն կպարտվի՞ ինքն իրեն
Մարտունի քաղաքում ՔՊ-ի թեկնածուն զիջել է «Մեր համայնքը» դաշինքի թեկնածուին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նաիրի Հnւնանյանը ծննդյան արարողությանը մի քանի բաժակ խմելուց հետո հայտարարել էր՝ «հեսա մտնելու ենք Ա...
ՔՊ-ից կմիանա՞ն ընդդիմությանը. «Հրապարակ»
Գավառում համայնքի ղեկավարի պաշտոնում ընտրվել է Գուրգեն Մարտիրոսյանը
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
