ԱՄՆ-ի հայությունը թեև համաձայն չէ ՀՅԴ-ի որոշման հետ, բայց չի դադարեցնի ֆինանսավորումը. (տեսանյութ)

Դժբախտաբար բոլոր կառույցները կասկածանքով են վերաբերում ցանկացած նոր ստեղծվող գաղափարի և մտածում են, որ հնարավոր է իրենց հեղինակությունը ընկնի, բայց ես նման նպատակ չունեմ: Newspress.am-ի հետ զրույցում, անդրադառնալով հայասփյուռ կառույցի հնարավոր ստեղծմանը, ասաց «Կալիֆորնիա կուրիեր» թերթի գլխավոր խմբագիր, «Լինսի» հիմնադրամի նախկին փոխնախագահ Հարութ Սասունյանը, ով այսօր գտնվում է Հայաստանում:

«Ես դեռ նպատակ ունեմ այդ կառույցը ստեղծելու, բայց միայնակ չեմ կարող, պետք է իշխանությունն ու ժողովուրդը հավատան: Եթե իրենք հավատան, որ այս ծրագիրը լավն է` կիրականացվի, բայց միայն ես եմ հավատում դրան»,-ասաց Հարութ Սասունյանը:

Անդրադառնալով լուրերին, ըստ որոնց, ամերիկահայ միլիարդատեր Քըրք Քըրքորյանը իր տրամադրած միջոցների փոշիացման պատճառով է փակել «Լինսի»-ի հիմնադրամը, ասաց, որ այս լուրերը չեն համապատասխանում իրականությանը։ ««Լինսի»-ն հեռացել է, քանի որ ավարտել է իր գործունեությունը Հայաստանում: Քըրք Քըրքորյանը ոչ միայն դժգոհ չէր, այլև շատ գոհ է եղել աշխատանքներից: Ոչինիչ գաղտնի չի արվել»,- ասաց Սասունյանը:

Նա խոսեց նաև ՀՀԿ-ՀՅԴ համաձայնագրի ստորագրման մասին: Հարութ Սասունյանը նկատեց, որ թեև ԱՄՆ-ում այնքան էլ հավանության չեն արժանացրել իշխանության մաս կազմելու Դաշնակցության որոշումը, սակայն չեն դադարեցնի ֆինասավորումը:

Մանրամասները` տեսանյութում