Երկրորդ եռամսյակում լրագրողների նկատմամբ բռնությունների թիվն աննախադեպ է. Մելիքյան
Հայաստանում այս տարվա երկրորդ եռամսյակում լրագրողների նկատմամբ ֆիզիկական բռնության 14 դեպք է գրանցվել, տուժել է 23 լրագրող։ Լրագրողների հետ հանդիպմանն այսօր հայտարարեց Խոսքի ազատության պաշտպանության կոմիտեի նախագահ Աշոտ Մելիքյանը՝ հիշեցնելով, որ անցած ամիսներին բողոքի ակցիաների ընթացքում բախումներ են գրանցվել։
«Այս թիվը համեմատելի է 2018-ի հեղափոխության ճնշումներին, բռնություններին, խոչընդոտումներին։ Հետհեղափոխական տարիներին այս թիվն աննախադեպ է, քանի որ 2018-ից ի վեր մեկ եռամսյակի ընթացքում նման թվով ֆիզիկական բռնության դեպքեր չէին գրանցվել։ Դա կարող է լինել ինչպես հրմշտոցի ընթացքում, այնպես էլ թիրախավորված հարձակում»,-ասաց Մելիքյանը։
Կոմիտեի ղեկավարն այս առումով մտահոգություն հայտնեց, նշեց, որ ոստիկանության բարեփոխումները պետք է երևան էքստրեմալ իրավիճակներում, մինչդեռ այդ դեպքում երևում են և պրոֆեսիոնալիզմի պակաս, և լիազորությունների չարաշահում։
«Մեծ աշխատանք կա կատարելու, կառավարությունն այս առումով պետք է լուրջ մտահոգվի, քանի որ այս տվյալները կարող են ազդել Հայաստանի միջազգային վարկանիշի վրա»,-ասաց բանախոսը։
Ապրիլ-հունիս ամիսների ընթացքում ավելացել են նաև լրագրողների նկատմամբ սպառնալիքները, վիրավորանքները, մասնագիտական աշխատանքի իրականցման տարատեսակ խոչընդոտները՝ կազմելով 43 դեպք։
Տեղեկություններ ստանալու և տարածելու առումով իրավունքի խախտման դեպքերը նվազել են։
«Այս եռամսյակի համար սա միակ լավ լուրն է»,-ասաց Մելիքյանը։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
