Երևանում և Արամավիրում կապարակնքվել է վառելիքի վաճառքով զբաղվող մի շարք կազմակերպություններ
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի հանձնարարագրերի հիման վրա Տեսչական մարմնի մասնագետների կողմից հրդեհատեխնիկական հետազոտություն է իրականացվել Երևան քաղաքի, Արին Բերդի 14 հասցեում շահագործվող բենզալցակայանի, հեղուկ ածխաջրածնային գազի լցավորման կայանի և նավթամթերքի պահեստարանի նկատմամբ։
Հրդեհատեխնիկական հետազոտություն է իրականցվել նաև Արմավիրի մարզի Գայ բնակավայրի գյուղամթերքի մեծածախ առևտրի շուկայի հարակից տարածքում «Ford Transit 2.5D» մակնիշի տրանսպորտային միջոցի նկատմամբ, որի արդյունքում պարզվել է, որ նշված տրանսպորտային միջոցի բեռնախցիկում, ինչպես նաև ավտոմեքենային կից տարածքում տեղադրված թվով 2 հատ, յուրաքանչյուրը՝ 2.000 լիտր տարողությամբ, պլաստիկե տարայի միջոցով իրականացվում է դիզելային վառելիքի վաճառք։
Արդյունքում հայտնաբերվել և արձանագրվել են, որ «Բեսթ Ինվեստ» ՍՊ ընկերությանը պատկանող կազմակերպության կողմից շահագործվող վերոնշյալ արտադրական վտանգավոր օբյեկտ/ԱՎՕ/ հանդիսացող շարժական լցակայանը՝ որպես ԱՎՕ, սահմանված կարգով գրանցված չէ ՆԳՆ արտադրական վտանգավոր օբյեկտների հաշվառման ռեեստրում և չի անցել տեխնիկական անվտանգության ամենամյա փորձաքննություն։
Նշված երկու օբյեկտներում էլ արձանագրվել են հրդեհային անվտանգության նորմատիվ փաստաթղթերի պահանջների բազմաթիվ խախտումներ, որոնք անմիջական և ուղղակի սպառնալիք են ստեղծում հրդեհների առաջացման և մարդկանց կյանքի և առողջության անվտանգության համար։
Ուստի՝ հաշվի առնելով հրդեհատեխնիկական անվտանգության պահանջների խախտումների ռիսկայնությունն ու վտանգավորության աստիճանը՝ Տեսչական մարմնի ղեկավարի որոշումների հիման վրա ամբողջությամբ դադարեցվել է Երևանի, Արին Բերդի 14 հասցեում գտնվող բենզալցակայանի, հեղուկ ածխաջրածնային գազի լցավորման կայանի և նավթամթերքի պահեստարանի շահագործումը՝ մինչև հայտնաբերված խախտումների վերացումը, ինչպես նաև արգելվել է «Բեսթ Ինվեսթ» ՍՊ ընկերությանը պատկանող «Ford Transit 2.5D» մակնիշի տրանսպորտային միջոցի, նշված ավտոմեքենային կից տարածքում տեղադրված 2.000 լիտր տարողությամբ պլաստիկե տարայի միջոցով նավթամթերքի լցավորման կայանի շահագործումը։
ՀՀ ՔՏՀԱ տեսչական մարմնի և ՀՀ հարկադիր կատարումն ապահովող ծառայության համագործակցության արդյունքում նշված օբյեկտները նաև կապարակնքվել են։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
