2008թ-ի մարտի 1-ից անցել է 8 տարի

2008 թվականի մարտի 1-ից անցել է 8 տարի, սակայն Երևանի կենտրոնում սպանված 10-ը զոհերի համար մինչ օրս որևէ մեկին մեղադրանք չի առաջադրվել:

2008 թվականի փետրվարի 19-ին մայրաքաղաքում սկսկվել էին բողոքի ակցիաներ:

Բողոքներն ուղղված էին ընտրությունների ընթացքում նկատված խախտումների դեմ և կազմակերպված էին նախագահի թեկնածու, Հայաստանի հանրապետության առաջին նախագահ Լևոն Տեր-Պետրոսյանի կողմնակիցների կողմից։ Ազատության հրապարակում էին հարյուրավոր քաղաքացիներ:

Ակցիան տապալելու համար, փետրվարի 29-ին ՀՀ երկրորդ նախագահ Ռոբերտ Քոչարյանը հրահանգեց ոստիկաններին «մաքրել» Ազատության հրապարակը:

2008 թվականի մարտի 1-ին, 6:15-ին, ոստիկանությունն անցավ Ազատության հրապարակում քնած ցուցարարներին ցրելու գործին:
Մյասնիկյանի հրապարակում՝ Իտալիայի, Ֆրանսիայի դեսպանատների մոտ հավաքված՝ ուժայիններից պաշտպանվելու համար ցուցարարները կառուցեցին բարիկադներ: Երկու ժամ անց քաղաքապետարանի մոտ հայտնվեց առաջին զրահապատ մեքենան: Մեկ ժամից, տեղի տալով ցուցարարների պահանջներին, ոստիկանական ուժերը ստիպված հեռացան: Ոստիկանական «Վիլիս» – ը քշեց ժողովրդի վրա` վիրավորելով մի քանի քաղաքացու: «Վիլիսն» այրվեց, իսկ ոստիկանները փախան:

Քաղաք բերված ոստիկանության և ցուցարարների միջև տեղի ունեցած բախման արդյունքում զոհվեց 10-30 և վիրավորվեց մոտ 300 մարդ։

Մարտի 1-ի դեպքերի կապակցությամբ պատասխանատվություն կրեցին քաղաքացիական անձինք: Ընդդիմադիր հայացքներով հայտնի 65 անձ դատապարվեց ազատազրկման, 6-ը` արդարացվեց, իսկ Շանթ Հարությունյանը ճանաչվեց անմեղսունակ: Ավելի ուշ ազատազրկվածներից 28-ին ներում շնորհվեց ՀՀ նախագահի անունից, 26-ը համաներմամբ ազատվեց պատիժը չկրած մասից: Եվրոպական դատարան բողոքներ են գրել տասնյակ ընդդիմադիրներ և մարտի 10-ի զոհերից 9-ի իրավահաջորդներ