ԱՄՆ-ում խոսել են Հնդկաստանի հետ Ռուսաստանի բարեկամության մասին

ԱՄՆ վարչակազմը տեղյակ է, որ Հնդկաստանը մտադիր չէ խզել հարաբերությունները Ռուսաստանի հետ, սակայն Վաշինգտոնը ցանկանում է շարունակել այս թեմայի քննարկումը Նյու Դելիի հետ։

Այս դիրքորոշումը հայտնել է ԱՄՆ նախագահի ազգային անվտանգության հարցերով օգնական Ջեյք Սալիվանը։

«Հնդկաստանի հետ մեր հարաբերությունների առումով մենք անհավանական հնարավորություններ ենք տեսնում տեխնոլոգիայի, տնտեսության, կառավարման և աշխարհաքաղաքականության ոլորտներում, Հնդկ-խաղաղօվկիանոսյան տարածաշրջանում, և մենք ցանկանում ենք խորացնել այս հարաբերությունները որպես հավասար, որպես երկու ինքնիշխան պետություններ, որոնք հարաբերություններ ունեն այլ երկրների հետ: Եվ Հնդկաստանը պատմական հարաբերություններ ունի Ռուսաստանի հետ, որը չի խզելու բնականաբար»,- ասել է Սալիվանը՝ ելույթ ունենալով Ասպենի ինստիտուտի կողմից կազմակերպված ամենամյա անվտանգության ֆորումում։