Պետդեպարտամենտը արձագանքել է Ռուսաստանի միջուկային հայտարարություններին

ԱՄՆ Պետդեպարտամենտը հայտարարել է, որ կշարունակի վերահսկել Ռուսաստանի գործողությունները, որը նախազգուշացում է արել Եվրոպայում միջուկային զենքի հնարավոր տեղակայման մասին։

«Ցանկացած հռետորաբանություն և խոսակցություն միջուկային մարտագլխիկների օգտագործման կամ տեղակայման մասին, իհարկե, անհանգստացնող է, և սա մի բան է, որին մենք կշարունակենք մեծ ուշադրություն դարձնել», - ասել է ԱՄՆ Պետդեպարտամենտի փոխխոսնակ Վեդանտ Պատելը:

Նա հիշեցրել է, որ ռուսները պարբերաբար նման հայտարարություններ են անում Ուկրաինայի դեմ պատերազմի սկզբից:

Ռուսաստանը ավելի վաղ հայտարարել էր, որ չի բացառում հրթիռների տեղակայումը, այդ թվում՝ միջուկային սարքավորումներով՝ ի պատասխան Գերմանիայում ամերիկյան հեռահար զենքի տեղակայման։